الف مبروك على العربية
بالنسبة لاى قطع غيار انت عاوزها موجودة فى الحرفيين ولو عاوزها جديدة يبقا فى شارع المرسيدس فى الحرفيين او من عند فتح الباب فى التوفيقية او من شارع دمشق
متقلقش قطع الغيار مش غالية وكفاية ان انت هتركب قطع غيار المانى لعربية اعتمادية جدا
نعم العربية بتشيل 6 من غير حكة الكاوتش المعهودة فى اى عربية تانية على المساعدين بتوعها الاصلية والجنط المناسب الى هوا جنط 13 طبعا
بالنسبة للكهرباء عليك وتامر ورشاد فى الحرفيين وهوا هيجيبلك تاريخ كمبيوتر العربية كله من ساعة ما تعملت وسعره مناسب متقلقش
والف مبروك عليك العربية مرة تانية وانا كنت جبت العربية كفترة ودلوقتى بقالها 2.5 سنة ومعملتهاش معايا الا مرة واحدة وبصراحة مش بفكر ابيعها
ربنا يكرمك فيها ويرزقك خيرها ويكفيك شرها
