[تامر ديزل]

الدكتور البرادعي ما صدق انه تطلع اشاعه ان عصام شرف قدم استقالته بعد احداث ماسبيرو وراح طالع لنا على قناة الحياه ومبدع ف حوار طويل معاد كل اللي فهمته منه انه عايز ياخد اي منصب قيادي وخلاص (انا اقبل اي منصب استطيع من خلاله مساعدةالبلد ) ان شالله حتى رئيس وزرا ما يهمش (اوافق على تولي رئاسة الوزراء لو طلب مني ذلك ) لفتره انتقاليه تحت قيادة الجيش (لا يوجد اي تخوف من بقاءالمجلس العسكري ف السلطه ) وكمان ( كوني انتقد المجلس العسكري فانا لا ادعو الى فقدالثقه فيه ) وحته كده للاسلاميين ( الجميع يتفق على هوية مصر الاسلاميه ) وحته لتطميننا على انه مع الانتاج والشغل مش مع العواطليه ( اعمل حاليا على برنامج لتحفيز الاقتصاد المصري يتم تطبيقه سواء كنت رئيس ام لا ) ودي حته من خزنة عبده مشتاق قوي ( اذا فشلت ساقدم استقالتي واتنحى فورا ) طيب مش لما تبقى الاول تبقى تتنحى ؟
سؤال الاستطلاع بيقول : هل توافق على تولي البرادعي رئاسة الوزراء بدلا من عصام شرف لفتره انتقاليه ؟
خضرا يعني الاشاره خضرا وانت موافق ....الاشاره صفرا يعني لسه هاتفكر ....... انما الاشاره لا مؤاخذه حمرا يعني مش موافق