المشاركة الأصلية كتبت بواسطة pigens
باشا صباح الفل يا شباب المنتدي
صباح الخير يا حماده باشا انا اخوك هاشم من القاهره
هل هذا الفلتر بتاع الاسترا يعني الواحد يروح منصور و يجيب فلتر بنزين الاسترا هل هذا صحيح
انا دلوقتي عامل 25000 km و ماغيرتش الفلتر ولا مره
اغيره دلوقتي .......
شكرا لكم جميعا
|
يا صباح الهنا يا هاشم بك منورنى والله
لا شوف يا سيدى فلتر البنزين فى اللاستى هو فلتر البنزين فى الكروز واحد مفيش اختلاف ولا فى المكان ولا فى شكل الفلتر .. يعنى تجيبة من التوكيل عادى جدا او هاتة من اى مركز معتمد لمبيعات شيفرولية
بالنسبة للمدة ياباشا هو الفمروض فى الاصل 50000 بس طبعا علشان انا حنا من الدول المصنفة اولى دول العالم فى نضافة البنزين فهنيجى ع نفسنا شوية ونغير فى نص المدة ميجراش حاجة اهو كل نضافة للعربية وحفاظ اكتر ع المكنة
يعنى الى اقصد اقولهولك انك لو اتأخرت شوية بسبب ظروف ولا حاجة مفيش قلق