[ismael82]

وهل تفتكر إنك إنتا من مصلحتك غني الجمارك تستمر طيب ماهي مستمرة من ابد الآبدين كنت إنتا ايه الي عاد عليك منها ولا بس هيا علشان مصلحة عمو غبور فوق الكل

الجمارك موجودة فى كل دول العالم بس بنسبة بسيطة مش جباية وقطع طريق زى مصر.
مصر فى السابق كانت نهيبة لمبارك والاربعين حرامى والجمارك وقناة السويس والسياحة كانت بتدخل فى حسابتهم الى برة .

لكن بعد ما مبارك ساب لنا البلد خرابة احنا فعلا محتجين كل مصدر دخل عشان تنمية البلد
لذالك انا معا ان قوانين الجمارك تتعدل وتتخفض ويتشال الشروط الى ما بتخدمش غير غبور وغيرة.
وفى نفس الوقت احنا محتاجين يكون عندنا اكتفاء ذاتى عشان مش هنفضل طول عمرنا نستورد
ولعلمك احنا سهل جدا نبدا لان زمان اى مستثمر كان عايز يشتغل جوة مصر كان لازم يقايض ويدفع ويرشى ويسرق عشان يعوض الى اتسرق منو (الله يحرق مبارك وايامو)

لكن بعد ما المعادلة يتشال منها مصاص الدماء هتختلف والمستثمرين من جوة البلد الى يقدرو يعملو مصانع كاملة كتير

طيب الي زاد البلة طين قولي إحنا فين من دا كله؟

لو الجمارك اتلغت سنة 2019 بجانب التفكير الانانى من عامة الشعب

1- 50 % من الشعب هيتحول لمستوردين .! والاقتصاد المصرى هيبقى فى الارض والجنية هيبقى فى سابع ارض

2- بصيص الامل فى الصناعة المحلية هيختفى وبدل منذود مصانع وتوفير فرص عمل وهنذود العاطلين كام الف.!

3- القوانين هتفضل زى ما هى بغبئها يعنى تشترى عربية ببلاش من اوروبا ومتجبهاش معاك من السعودية ولا اي حتة...!!!!

4- العربيات القديم هتباع خردة بلكيلو او هتتحول لعلب سمنة بتوع الخردة عيزين يبيعو ويكسبو هما لسة هيوجعو دمغهم فى اعادة تدوير وغيرة

5 - دا غير المشاكل والكوارث الى مخطرتش على بالى والى ممكن تحصل

يا دكتور احما بننتمى لشعب صعب التعامل للاسف وبيتعامل معا كل حاجة بعشوائية شديدة (الا من رحم ربي) وعندك مثلا قانون الايجار الجديد شوف ازاى اتحول من قانون لحل ازمة السكن الى ازمة سكن

الى اتخرب فى سنين ما بيتصلحش بين يوم وليلة فلجمارك تتخفض لحد 20 % من تمن الشراء مثلا مش تتلغى خالص واحنا لسة معندناش الى يخلى رسنا براسهم