المشاركة الأصلية كتبت بواسطة AboNoRa
عندك حق يا كيمو والله وشكراً مرة تانية على ردك
ده رابط لبرنامج حساب الوزن المثالى اللى قال عليه الدكتور محمود
http://www.nhlbisupport.com/bmi/bmi-m.htm
وكنت عايز اسالك لو انا اقدر اعمل الريجيم الكميائى ده اعملة ولا لاء لان وزنى مش زيادة جداً والزيادة مركزة اكتر فى منطقة الكرش (عضلات البطن) وعضلات الوسط
|
تسلم يا باشا ربنا يخليك
شوف يا باشا بالنسبة للرجيم الكيمائى ده هو جامد جدا و بيخسس جامد فا لو عاوز تعمله دوس و اتوكل على الله و هيجيب معاك بس لازم رياضة كل يوم نص ساعة على الاقل .... و انا انصحك بيه بصراحة لأنى مجربه و عارفه
و انت عموما لو قللت النشويات و الكربوهيدرات و كترت الفاكهة و الخضار هيفرق معاك جدا بس هيبقى فرق بطئ شوية يبان على المدى البعيد يعنى هتحس بعد شهر مثلا ان الدنيا اختلفت ....
اما لو عاوز بس حاجة تنفع لمنطقة الكرش و الأرداف كمان هديك حاجة تجربها و دى انا هبدا فيها النهاردة ان شاء الله يعنى ماجربتهاش قبل كدة بس الناس بتشكر فيها جدا و هى كما يلى
تجيب تلاتين فص توم متقشرين و مش متقطعين و اربع لمونات (من الليمون الكبير الاصفر ده ) متقطعين شرائح و تحط التوم و اللمون مع ست كبايات مية و تشغل النار لحد ما يغلو اول ما يغلو غلوة واحدة شيلهم من على النار و تكون محضر ربطة بقدونس و غاسلها و حطها عليهم اول ما تشيلهم من على النار بس يا باشا و سيب الخليط لحد ما يبرد و بعدين صفيه و حطه فى التلاجة و مع كل اكلة خد لك فنجان من الخليط ده لمدة اسبوعين مع رياضة برده كل يوم و ان شاء الله هتلاقى نتيجة كويسة
و ربنا معاك