[فادى]

المشاركة الأصلية كتبت بواسطة sam ram للاسف اوماترا معملتش اي حاجه تذكر مع فيات ... وخساره فيهم العربيه ... فيات محتاجه لوكيل قوي يدعمها بمراكز صيانه مش معارض و موزعين في كل حته و مركز صيانه يتيم في جسر السويس وسياستهم غريبه ...سابو اللينيا اكتر عربيه كان ممكن تحقق لهم مبيعات اعلا من البونتو و البرافو و راحو جابوا السيينا (البيا ) اللي محدش بص لها حتى !! البونتو باعت نفسها دون اي دعايه تذكر والبرافو بيشتريها اللي فاهمها أو عايز فئه الجولف والليون بالتحديد مع ان البرافو موجوده من 2007 لكن فين عقبال ما نزلوا اعلانات ليها وكتبوا عنها و حطوا شوماخر جنبها بعد ما كان اعتزل ولما ابتدت الناس تاخد بالها منها و تتشتري قللوا الفئات المعروضه منها !!! يعني بينقوا الزباين !! وتلاقي عمو غبور منزل 500 فئه من الالنترا الساده و اللي بسكر و اللي بلبن منزوع الدسم و ونص دسم .... ورغم كل الانتقادات للكوري واسعاره المبالغ فيها و مواصفاته المنقوصه و التوكيل الزحمه واسعاره الرخمه ... العربيه باعت في شهرين اكتر ما اوماترا باعت من يوم ما ابتدت !!! وبقيت تشوف الالنترا الجديده اكتر ما تشوف البونتو طبعا انا فاهم ان في خليجي ونظره السوق للسيدان عن الهاتشباك و ال 130 حصان والكلام ده لكن حتى لو طبقنا النظريه الوهميه للسوق المصريه نقارن مثلا بتجربه رينو مع فلونس وازاي العربيه بقت الموديل الرئيسي و شبه الوحيد لرينو في مصر خصوصا انها جت بعد موديل الميجان صاحب الشعبيه الجارفه معلش يا باشا طولت عليك .... بس قولت اعوض قله التواجد الفتره اللي فاتت بمشاركه كومبو والف شكر على سؤالك و اهتمامك

هذا صحيح اوماترا لم تستثمر الكثير فى فيات,
هذا واضح من قلة الدعاية (او انعدامها), و عدم انتشار مراكز الخدمة (مركز خدمة واحد فى جسر السويس عليه ضغط كبير), و مركزين معتمدين فقط واحد فى الهرم و التانى فى المعادى.