[aymangalal]

المشاركة الأصلية كتبت بواسطة حازم شاهين و إبعد عن المناطق المكدسة زى إمبابة أو الطرق السريعة زى الكورنيش و الكلام ده ﻹن السواقة فى اﻷماكن دى صعبه و غير مناسبة للمبتدئين فى القيادة

والله يا استاذ حازم انا اصلا من امبابة واتعلمت فيها برضه ومش فى الشوارع الرئيسية الفاضية اللى ناحية البحر لا ده فى ادغال امبابة وعندنا حتة اسمها المطار وشارع المطار ده الوصلة بين المنيرة والبراجيل ودخلت فى اخر الشارع ده مش عايز اقول لحضرتك ان مابيمشيش فى الحتة دى غير السواقين ميكروباصات وتكاتك وعربيات بالنفر مالهاش اسم ولاوصف وحاجات غريبة وزحمة مش مفهومة ومع ذلك دخلت وروحت وجيت وكنت بتعلم تبع مكتب بس بصراحة الشاب اللى كان بيعلمنى كان تمام لانه فى خلال الساعة اللى كنت باخدها كان بيلففنى فى حتت كتير وتقريبا اتعلمت فى محيط المنطقة ابتدائا من ميدان الكيت كات وشارع عرابى والسودان والوحدة والمطار والبراجيل واتعلمت فى 3 مرات كل مره ساعة فقط وبعديها على طول طلع واحد صاحبى معايا ع الدائرى ودى كانت بداية الجرأه الحقيقة بالنسبة لى فى السواقة اذ الطريق مفتوح وعلى سرعة عالية بالنسبة لمبتدىء لغاية ما وزنت التارة ودواسة البنزين وظبطت نفسى والحمد لله ماشى عِدل عشان يحتار عدوى فيا ههههههههههههههه
الخلاصة انى بأعتقد ان الميتدىء لازم يتعر لكل الاجواء والصعبة والمزدحمة خصوصا لان ده معظم حال شوارعنا عشان لما يمشى فى شارع منتظم يحس بالفرق حتى ولو كان زحمة او الطريق واقف وبعد كده يفوت فى الحديد
اعتذر على الاطالة ولكن حبيت اوصف جزء من المرور بشوارع امبابة