فكر في السكالا لو موش ناوي على اعادة البيع
السكالا دي ضربة كبيرة من توكيل الرينو على قفا توكيل النيسان
السكالا هي هي النيسان صني الخليجي اللي بتتباع هناك
بس نزلوها هنا بعلامة رينو ( لان رينو و نيسان شركة واحدة لو انت تعرف)
و انا سامع ان التوكيلين في بينهم مشاكل بسببها
العربية من بره اشيك بكتيير
و مواصفات خليجي ( يعني ضمنت العفشة و التكييف)
و اوسع من جوه ...لو ركبت الصني هتلاقيها ضيقة من ورا...دي اوسع
بس التقفيل و ياللعجب النيسان المصري انضف بمراحل
توكيل رينو حرامي عن توكيل النيسان اه ... بس محترم مليون مرة عن توكيل النيسان...و عنده نية اكيدة انه ياكل السوق هنا ...موش زي الوكيل اللي بقاله 11 سنة بينزل العربية هنا و موش عايز حتى يغير شكلها
السكالا المانيوال 81 الف و الصني غلوها (كمان) و بقت 89 الف
و الاوتوماتيك 87 الف و الصني 94 الف
و الهاي لاين 95 الف و الصني 102.5 الف
اعادة البيع و الانتشار ..طبعا تبقى الصني
قطع الغيار..طبعا تبقى الصني
وان كنت فوجئت بان واحد معاه صني كان بيشتري عوامة التنك من محل رينو
روح شوفها و فكر و قولي رأيك
و مهم برده اني اقوللك اني لما سوقت الصني (اللي هي هي السكالا) مكنتش مستمتع
و اللانسر الشكل القديم او الالنترا الشكل القديم احسن منها في السواقة بمرااااااااااحل
و ربنا يوفقك
