[Mr.Mostafa veto]

المشاركة الأصلية كتبت بواسطة aymanlaw كلام حضرتك منطقى وعقلانى---ونفسى واتمنى ان الى عندهم العربية فقط هم من يدلو بدلوهم وبقول لصاحب العربية اتمتع بعربيتك وبأذن الله كله هيتحل,عربيتك جميلة فلا تفقد الثقة بها طالما هناك بصيص أمل ,مش معنى كده انك متخدش حقك ولكن ابدأ بلحلول التى وضحها الأخ الكريم وإن لم تقتنع فلك مطلق الحرية فى اتخاذ ماتراه مناسب لك,ولكنى لدى قناعة إن هذه المشاكل لها حل بلذات موضوع عضة الفتيس,والله يا أخى الفاضل انا كان عندى عربية الفاروميو وكنت جايبها على الزيرو معايا من ايطاليا سنة 93 ومقلكش ان كنت كل ماأخطو خطوة فى مصر الاقى اليوقفنى علشان يسأل عن نوعها او اجد من يعرفها وايضاً يوقفنى علشان يكلمنى عنها او يسأل فى اى شىء خاص بمصنعها,المهم هذه العربية قرفتنى فى عشتى من اوجه كثيرة واهمها ان الخامس ماكنش بيجى بسهولة والأول كان زى الزفت ايضاً كان فيه عضه ولكن لك ان تتخيل اننى كنت بمشى على الرابع مسافات طويلة لأن الخامس ده كأنه مش موجود,والأسم الفاروميو ,يعنى الخلاصة متقلقش ومتفكرش إنها علشان صينى هتبقى عربية فيها مشاكل لالالالالالالالالا والله كل العربيات فيها مشاكل ويمكن أكثر من الصينى---وبلنسبة للسحب انا ملاحظ ان هذه السيارة وايضاً ال516 التسارع بتعهم بطىء ولكن مع الوقت العربية بتشد على الطريق هى بس لما بتبدأ من الغيار الأول بيبقى تجمعها بطىء وده لاحظته لما بكون على طريق السفر وبنهدى على مطب صناعى بجد ان العربية مبتشدش وده بلنسبة للعربية المعايا الى هى جاك ب15 بتشد اسرع منها ولكن بعد كده بجد العربية التيجو بتبقى طلقة لأنه بيبقى عايز يفهمتى انه يقدر يعدينى ,وده عن تجربة مع عربية تيجو وعربية 516 ,يعنى فى مرات السفر,ولكن العربية فى المجمل محترمة جداً---وربنا يباركلك فيها...

والله يا جماعة انا فرحان جدا انى معاكو فى المنتدى الاكثر من رائع
و بجد فى نخبة اكثر من رائعة من الاعضاء و الادارة
و وجة الاستفادة فى المنتدى كبير جدا جدا جدا
و الاراء العاقلة و البنائة كتيرة للغاية
و على فكرة انا من عشاق التيجو و باقلى حوالى 6 اشهر باخد اراء الاصدقاء و المعارف الذين يملكون الخبرة فى مجال السيارات
و كانت الاراء سلبية دون اسباب مقنعة و السبب الوحيد الذى يتردد على الالسنة هو واحد الصينى وحدش وبيخسر كتير فى اعادة البيع
و ده بالنسبالى سبب مش كافى للاقناع
لانة يفتقد لناحية العملية
المهم ان شاء الله هاجيب العربية التيجو بس محتاج اعرف الشكل الجديد هاينزل و لأ اجيب الشكل الحالى
ولثانى مرة اشكركم جدا على هذا المجهود الرائع و الاراء المفيدة جدا