[alhoda]

اقسم بالله وانا صايم ان طلايع ده كذاب علشان يقول ان صافى الربح للتاجر فى العربية ام 100000 جنية لا يزيد عن الف جنيه .... ده شغل استهبال دا اللى مودينا ورا الشمس جشع التجار وحرصهم على سرقة الزبون واخر حاجة يفكروا فيها هى مصلحة المشترى هو فين التخفيض ده دا سوق العربيات الجديدة مولع نار وكل يوم بيرتفع عن اليوم اللى قبله والسوق مليان عربيات زبالة فى اى بلد محترم ما يرضوش يشغلوها فى لم الزبالة وعندنا بتتباع بمبلغ خيالى وممكن بعد ما تحط تحويشة العمر وتستلف وتدين نفسك علشان حتة مخروبة ترحمك من ذل المواصلات وتحكم سائقى التاكسى والميكروباص تلاقى فيها عيب يدوخك السبع دوخات وساعتها ولا حد يسأل فيك وساعتها تقول ولا يوم من ايامك يا ( حسنى ) اسف قصدى نار التاكسى والميكروباص ولا جنة العربية الملاكى اللى وقتها تحس انها عربية( كارو) وكان ناقصها حمار وجدته لما سيادتك اشتريتها