رد: تجربتي بعد الثورة لتجديد رخصة القيادة الخاصة! معاناة و مأساه!
يوم السبت توجهت الساعة 10 صباحا الى مرور المعادي المتواجد في مكانه الجديد بزهراء المعادي
طلب شراء ملف شهادة بيانات = 6.5 جنيهات
صورة بطاقة رقم قومي
رخصة القيادة المنتهية
قمت بسداد رسوم شهادة بيانات في الخزينة = 47 جنيها
و اكتشفت ان من ضمن المصاريف المدفوعة في الخزينة رسوم بدل تالف + حاسب الي
و عند سؤالي عن البندين ( لوحدهم تجاوزوا 32 جنيها ) قالوا لان الملفات اتحرقت و البيانات ضاعت!!!!! من دقنه و افتله - ان شاء الله الشعب هو اللي حيدفع ثمن تصليح اقسام المرور و الشرطة اللي اتحرقت بالشكل ده!!! تبرع اجباري عند كل تجديد رخصة قيادة او رخصة تسيير مركبة!!
المهم : سلمت الرخصة القديمة + وصل الرسوم + البطاقة + صورة البطاقة + الملف
و للاسف الموظفة اللي بتصور افتكرت انها عايزة تفك رجلها و تتمشى شوية
و طالت غيبة الموظفة لمدة تتجاوز ال 45 دقيقة!!!!! سلمت كل ورقي و الموظف خلص كل حاجة و كلنا قاعدين مستنيين حيلتها ترجعلنا بالسلامة
و بعد 45 دقيقة الهانم جائت و اتصورنا و توجهت الى شباك اخر في انتظار الشهادة
20 دقيقة اخرى و استلمت شهادة البيانات و الساعة تجاوزت ال 12 ظهرا
و خزينة مرور البساتين طبعا قفلت!!!!!
توجهت لمرور البساتين املا في بارقة امل و لكن للاسف..... عشم ابليس - الموظف قاللي تعالى بكرة!!
انتهى اليوم الثاني...
|