السلام عليكم ورحمة الله وبركاتة
بعد شهر من اللف على معارض السيارات والتوكيلات والتجارب وكل شئ أستقريت على ال BYD F3 رغم انى كنت معجب بال frv جدا من حيث الشكل بس اكتشفت ان البى واى دى اروع من حيث القوة والثبات وبعد تجربة سيارة احد الاصدقاء قررت والحمد لله شراء السيارة العجيبة التى أتنبأ لها بمستقبل رائع فى مصر فى الفترة القادمة
دلوقتى محتاج اعرف منكم المكان الى كويس الى اشترى منه العربية كاش لأنى أتصلت بكذا معرض عامل عليها أعلانات فى الجريدة وكانو عاملين عروض ب 69 الف الكاملة مانيول ولما اتصلت بيهم قالولى ان العرض انتهى رغم ان الاعلان كان لسة نازل فى الوسيط وفية معارض منهم قالتلى الاستلام بعد ثلاث ايام رغم ان الوكيل الامل نفسة قالى بعد 10 ايام
عايز اعرف السعر الصح فين واشترى منين ويكون الاستلام فى اقرب وقت
وشكرا ليكم جميعا