المشاركة الأصلية كتبت بواسطة mar mar
ربنا يشفيك يا رب
انا مش عارفه ايه حلها الا انك تروح لدكتور كبير يمكن يعمل عليها علاج طبيعي او حاجه
الله يطمنك انا بابا جاي من السفر بكرا ولسه جايلوا انزلاق غضروفي وقلقانه عليه وانت قلقتني اكتر
|
الف سلامة على الوالد
بالعكس المفروض ماتقلقيش خالص عشان دايما تطمنى والدك والمفروض انه هو اللى يبقى قلقان الموضع مش صعب ولا حاجه لكن فعلا معظم الحالات وخصوصا المزمنة مش بينفع معاها الدواء الكيميائى او بيعتبر مسكن فى حالات كتير وانواع باسط للعضلات ومقويات اعصاب عشان تخف الضغط من على الفقرت ويتخلل ذلك العلاج الطبيعى وده مرييييييييح جدا والمريض عامة بيحس بفرق خلال الجلسات لكن ضرورى جدا اتباع العادات الصحيحة فى الجلوس والمشى والوقوف والنوم والانحناء وكل ده بيبقى لفترات معينه مثلا:
تجنب الوقوف والمشى الكتير
الجلوس وخلف الظهر مخدة وفرد الظهر باستقامة
عدم الجلوس لفترات طويلة ايضا
ممارسة تمارين خفيفة جدا زى الايروبكس كده عشان استطالة العضلات وتباعد الفقرات عن بعضها(تخفيف الضغط)
وحاجات زى كده كلها ارشادات واعمل كذا وتجنب كذا وهكذا كذا
وان شاء الله ربنا يعافى لك والدك ويتم شفاؤه على خير