[mazenmedo]

هاى يا جماعه انا عضو جديد معاكم فى المنتدي وبصراحه انا مبسوط من المنتدى جدا .
المهم كنت فى توكيل تويوتا ايجيبت اللى فى التجمع الخامس امبارح مع واحد صاحبي عايز يشترى الكرولا الجديده بصراحه العربيه من جوه تحفه خصوصا الهايلاين بتاعتها بـ DVD . GPS …. وكاميرا خلفيه وايزيى ترونك وناقل يدوى فى الطاره مالهاش حل بس انا سمعت عنها كلام كتيير انه فى مشكله فى الفتيس بيبوظ بسرعه وعمود الكردان ووو..fficeffice" />
بس انا مركبتهاش عشان احكم عليها وبطلب من اهل الخبره فى المنتدى انه يوضح لو فعلا فيها عيوب كبيره ولا لأ
احب اضيف حاجه انا شوفتها بنفسي البودى بتاع العربيه من بره فى عيب خطيير ماعتقدتش انه هاينفع فى الشارع المصري الفوانيس بتاعت العربيه بالكامل بارزه عن البودي سواء اللى فى الامام او الخلف يعني مع اول ركنه لو اتخدش منك يبقى لازم تغيره يعني شوف انت وانت بتركن العربيه بتحكها كام مره يعني الواحد هايغير الفانوس كام مره .
يا ريت تفيدونا وشكرا ..