السلام عليكم ورحمة الله وبركاته
اولا احب اشكركم على المنتدى الرائع والمشاركات والمساعدات الجميله اللى بتعملوها وربنا يجعلها فى ميزان حسناتكم إنشاء الله
ثانيا ومن غير ماطول عليكم
كنت عايز اى عربيه واعنى اى عربيه بمعنى الكلمه لاكن تكون الحاله جيده بمعنى انى ماحتاجش اعمل فيها حاجه غير تعديلات بسيطه
المشكله هنا انى عايز عربيه مستعمله بالتقسيط ومعايا 5.000 جنيه
ومستعد ادفع 500 او 600 كل شهر
لاكن عايز ضمانات شخصيه بمعنى كمبيالات او شيكات والضامن ممكن يعمل نفس الموضوع ويمضى معايا على اى شيئ لانى عندى مصادر ربح الحمد لله كويسه وبقدر اجيب منها اكتر من 2000 ل 2500 جنيه شهريا لاكن للأسف ماقدرش اطلع بيهم اى ورق او اى مفردات تابعه لبنوك او الكلام دا وماعنديش ضامن موظف بمفردات لاكن عندى اكتر من ضامن وهما الوالد والوالده والزوجه لو ينفع لانها غير مصريه
لاكن يوجد ايصال نور او غاز وعقد ايجار قديم وكل شيئ ومستعد امضى زى مقلت على اى حاجه ومش هاعارض على الفايده بس تكون فى المعقول بردو
لانى فعلا محتاج عربيه لان ظروف شغلى بتخلينى على طول رايح جاى وللأسف يعتبر ربحى كله بيروح فى التاكسيات والكلام دا فا أرجوكم المساعده او تدلونى اعمل ايه
مع العلم انى ماقدرش اصبر على المبلغ اللى معايا واكبره واجيب مستعمل كاش لانى بضرف يوميا مصاريف فعلا كتيره وعلى اخر الشهر مابيتبقاش حاجه وكله بيروح فى المواصلات
وشكرا ياجماعه