رد: هل تفوق الكوري على الياباني من حيث الشكل؟
انا اسف قريت الموضوع متأخر
بس وجهة نظرى الشخصية ...
ان متوسط عمر العربية الفعلى مع الشعب المصرى حاليا هوه من 10 الى 15 سنة
وبعد كده بيزهق أو يمل أو ربنا يكرمه ويغير لأى سبب من الأسباب
وبناءا عليه
الكورى زى اليابانى
لأن اليابانى زى ماتعودنا عليه معمر ... الكورى بقى يقدر يعيش فترة ال 10 أو 15 سنة بنفس القوة والاداء ولنا أمثلة كتيره زى الاكسنت مو98 أو الاكسيل مو94
بمعنى ان اليابانى ممكن يبقى أقوى بعد 20 سنة
وده مش متوافق مع استخدامنا الحالى
زمان كنا بنستخدم العربية لحد 20 و 30 سنة لكن الوضع اتغير دلوقت
وده اللى فهمه مصنعى السيارات واتجهوا للترشيد الانفاق عى جودة الخامات
مثال
هل التويوتا الكريسيدا مو 83 بقوة الكامرى 2011
لأ طبعا
هل الهوندا السيفيك مو 83 زى السيفيك مو 2011
لأ طبعا
بالمناسبة انا نفسى أشوف هوندا مر عليها سنه ولسه دهانها أو اكصدامها سليم !!!
............
نقطة تانيه
الكورى بدأ بتصميمات قويه ميزته عن اليابانى كتير وبقى سابق بخطوة
بس لما دخل المنافسه فهم انه مش مجرد شكل وبس
انا شايفة بيتقدم بسرعه ثابته وبيحاول مش يساوى اليابانى وبس
لأ ده بيتقدم عنه كمان
واليابان من حيث الشكل بصراحة من سىء للأسوأ ونفسى يفهموا حقيقة كده
باستثناء موديلات معدودة أما الكورى بيحاول يعمل طفرة وانا شايفه بينجح
.......
خلاصة الكلام
اسطورة اليابانى المنفرد بالقمه تبدأ فى الانهيار
كلامى غير مرتب اعذرونى
|