رد: ايه رأيكم يا جماعة النترا 2005 ولا اوبترا 2007 ؟؟؟؟؟
النترا بلا منازع وعن تجربة
انا معايا العربية دى والحمد لله تحفة
وطبعا هى أوسع من الأوبترا واحلى منها فى الشكل الخارجى ده أكيد
يمكن الشكل الداخلى فى الأوبترا أحدث بحداثة الموديل من 2005 الى 2007 من تكيف عادى الى تكييف تاتش أو كاسيت عادى لكاسيت سى دى لكن ما افتكرش ابدا انه احلى يمكن قريبين ولو انى طبعا متحيز للإلنترا 2005
الثبات والنعمومة أيضا لصالح النترا انا جيبت بيها 160 ومشيت عليها اكتر من ساعة ونصف وكان الاتزان الحمد لله جيد بالاضافة الى نعومة الباور رهيب تسوق بصوابعك واللمسة تفرق كتير
انا الاوبترا ما ركبتهاش كتير وما جبتش بيها سرعة عالية عشان كده ما اقدرش احكم قوى
لكن بالنسبة للشكل والحجم انا متأكد جدا لأنى جربت الاتنين
تحياتى
|