روحت التوكيل عشان اعمل صيانة ال40000 وقولتلهم على صوت الونة بتاعة الموتور وقالولي ان ده سببه الكاتينة ولما تعمل الصيانة هيروح .لكن لسه الصوت زي ما هو وبيبان اكتر معايا بعد ال80 !!!!!!!! ودفعت ساعتها 2500 جنيه عشان غيري تيل الفرامل ادام وورا .دي حاجة الحاجة التانية بسمع صوت رجرجة في الجنب اليمين في الامام وخصوصا مع المطبات الخفيفة او الثقيلة ومش عارف انا دي تهيات ولا ايه عشان انا نازل من 127 وطبعا في فرق كبير بين الاتنين واللي زاد وغطى ان الزجاج الامامي اتكسر ومش عارف اغيره فين عشان عاوز اغير الاصلي ومعرفش سعره كام