رد: سيارة ابو الفتوح الجديدة SG Pickup
العربية الدوبل كابين الغرز معايا من 2009 يا جماعه وبسم الله ما شاء الله توحفه ودخلت بيها 5 مرات كفريق مساعد فى راليهات صحراويه فى مصر منهم 2 رالى الفراعنه كان اقصرهم 3500 كيلوا فى عمق الصحرا
عامل بيها لحد دلوقتى 125000 كيلوا ما غيرتش اى حاجه فى المحرك مجرد سولار وزيوت وفلاتر وتيل فرامل
لكن فى مرة فى رالى كاس مصر اللى فات وقعت فى بير فى الصحرا فبيضة المقص امامى يمين بوشت فغيرتها وكانت ب 45 جنيه
المهم العربية فول اوبشن
صالونها واسع جدا فوق الخيال
وعربية محركها 2800 سى سى ايسوزوا فلاترة وكل حاجته الدبابة
الغرز فيها توحفه لدرجه ان فى ناس اصحابى دخلت معاهم بيها فى حتت ما توصلهاش غير التيوتا اللاند كروزر بس وانا محمل فوق الطن فيها منهم 3 براميل بنزين واللهى غير العده والجينيريتور وحجات التخييم
استهلاكها ولا اى حاجه باروح البحرية وارجع بال 50 لتر جاز التانك يعنى
ده طبعا غير اللف فى الصحرا هناك والغرود
بأمانه العربية محترمه لابعد الحدود ولو اقدر كنت جبت واحده تانيه وركبت لها كبينه فيبر ورا فى الصندوق واستخدمتها ملاكى
والله على ما اقول شهيد
|