طلب استشارة قانونية : أرضى الدوله خدتها الدوله (مصر ) واصبحت منفعه عامه
السلام عليكم ورحمه الله وبركاته
من ضمن مسلسل اللامبالاة السائد
الان الدوله تنشأ طريق دولى جديد بين المنصورة مدينه الشرقية وكان امام الدوله خيارين للطريق خيار ان يتم رد مصرف زراعى يسبب الضرر والروائح والطريق يمشى فوق الجزء المردوم
وخيار ان الطريق يمشى وسط الاراضى الزراعيه ( لاحظ انها نفس الدولة اللى بتستصلح الصحرا)
فقررت اختيار الخيار الثانى
وبدئت فى التنفيذ
وفى يوم وليله وجدت ان ارضى اتنزعت ملكيتها منى و اتردمت بالرمل و بدئوا فيها شغل فى الطريق
عاوز اعرف اتصرف ازاى
وامتى اقدر اخد حقى فى البلد دى
ارضى اللى كنت بعتبرها ركاز مهم برتكز عليه فى حياتى وكنت بعتبرها خط دفاع ضد اى ظرف طارئ تروح منى مع وعد بتعويضات هزيله
لك ان تتصور ان القيراط الذى وصل ثمنه الى 100 الف جنيه يصل التعويض عنه الى 3 الاف جنيه
بجد الواحد مش عارف البلد دى عاوزه ايه منا
|