[فادي مكرم]

تسلم ايدك على الالموضوع موضوع جميل وطريقة فى السرد ممتعة ويومك زى العسل وحاجة تفرح كدة مش تفرح فى الحصل فى العربية حاشى لله ربنا يعوضك خيرا ان شاء تعالى وعلى فكرة احب اطمن سعاتك ان كل عربياتنا بيحصل فيها كدة عشان متفتكرش انك انت الوحيد المميز لاة الحمد لله كلنا فى الهوا سوا . يا راجل دا انا لقيت عربيتى متشالة من مكانها ومحطوطة فى مكان تانى عشان البشوات كانوا عايزين يفرشوا فراشة للفرح والعربية واخدة مكان وطبعا مفكروش انهم يطلعولى خصوصا انى ساكن فى الدور السادس بدون اسانسير . تخيل تنزل متلقيش العربية وتلاقيها فى حتة تانية هههههههههههههه لاة ولاافع الهاند بريك ومعشق العربية بس الحاجات دى مبتقصرش معاهم . ست شباب زى الورد شالوا العربية وحطوها فى حتة تانية والله انا لما نزلت قعت اضحك على المنظر .

شكرا استاذ ماهر
مهما عملت
الناس الحلوة والمنتدى الاحلى يستاهل اكتر بأمانة
وحتت انهم يشيلو العربية دى حصلت معاايا مرة انا كمان بس كنت قافل على واحد وقلت " اعمل نفسك مش واخد بالك برضه محدش نداني شالوها "

انا كمان اسكندراني مياماوي زيك - انا بقي حصلتلي اول لوحة سيريالية بعد ما جبت العربية باسبوع علي الكبوت والخط الجانبي الشهير بعدها ب 3 ايام وكنت سا عتها هاين عليا اولع في الشارع لكن بعد فترة وبعد ما كثرت النغزات والتريحات والعب علي العربية كالزحليقة من اطفال الشارع بقي الموضوع عادي - ماهي عربية مرمية في الشارع لازم حيحصل فيها كده

اصدمني وقولي انك بتركن فى اسكندر ابراهيم
انا عندى بقعة احم احم "صفرا" على الشنطة مادة غريبة كدة ومسكت فى اللون
من اسكندر..... وقفشت 2 بياكلو فطير علي الشنطة وبهدلوها سمنة ولبن
و4 عيال جايبين 5 عيش و ب 2 جنيه فلافل "طعمية" وبيلفوها على الكبوت وخليتهم يمسحوا الكبوت حتة حتة
وما خفي كان اعظم