اعتقد ان الموضوع من البداية انطباع فى اول مره الواحد بيمسك التارة
حتى لو اللى بيعلمه بيوجهه التوجية الصحيح
جربت امسك بالوضع الصح 10 و10 على حسب معلوماتى ان ده افضل وأأمن وضع واكتر تحكم
لكن لقيت قيدى بتفضل متعلقة ومع الوقت الدراع بيخدل نزلت شوية بقى 9 وربع كان افضل بس برضه معلق نزلت كمان لـ 8 وثلث كان اريح كتير بالنسبة لى خصوصا ان الكوع الشمال على مسند الباب والدراع اليمين على الرجل اليمين واللى ساعدنى فى كده بقى خصوصا الدراع الشمال ان الكلاكس (زرار) فى دراع النور من الشمال
جبت مخدع وسط بقى ايييييييييييييييييييييه 100 100 ارتفاع الايدين بالكوع فى مستوى واحد وعملى جدا وخصوصا ان التاره كبيره شوية وواسعة (عربيتى ستروين AX) والفتيس تحت مستوى المخدع حاجه بسيطة يعنى دايما الدراع ثابت ومرتاح واللى بيتحرك الكف فقط (اليمين بين التارة والفتيس والشمال بين الترة والكلاكس ) وفى نفس الوقت تصميم التارة عندى يناسب الوضع 8 وثلث اكتر
تجربة خاصة ووضع متناسب معايا تماما
وشكرا لصاحب الموضوع
