رد: الأن DVD الأسبرانزا الأصلى
خلاص حاضر عشان خاطرك ياكيمو :
وهتكلم بالتفصيل
ده بالنسبه لل516 وبالنسبه لأى نوع تانى بتزيد اوبتقل وهبدأ معاك الخطوات كلها :
1- دورت على اى جهاز يركب للأسبرانزا فى مصر ملقتش بتاع العربيه نفسه بس يكون بتاعها ولقيته فى موقع بيع اسمه alibaba
2- دخلت كونكشن مع البائع وبعتولى ايميل بكيفيه الأتصال بيهم واخدت ايميل مديره التسويق واسمها تينا سو .
3- المفاوضات والمراسلات قعدت بينى وبينها 5 ايام بالظبط واتفقنا انى هشترى :
- الdvd
- كاميرا خلفيه
- خريطه لشوارع مصر
- كارت ميمورى 2 جيجا
4 - حساب الحاجات دى بالترتيب :
- الdvd ـــــــــــــــــــــــ 280 $
- كاميرا خلفيه ـــــــــــــــــــ 120$
- خريطه لشوارع مصر ــــــــ 20$
- كارت ميمورى 2 جيجا ــــ 8 $
+++++++++
مصاريف الشحن = 117$
+++++++++
مصاريف التحويل للصين من مكتب ويسترن يونيون = 34$
اجمالى العمليه = 479$ بالكامل
والتحويل تم بعد مابعتولى الفاتوره بس مبيكتبش فيها مصاريف التحويل
وروحت حولت فى مكتب ويسترن يونيون بعد مابعتولى الأسم اللى ححول ليه
واول مااستلمه التحويل بعتولى الجهاز والحاجه ووصلت خلال 11 يوم من تاريخ التحويل لحد باب البيت
اى استفسار اتفضل وانا اجاوبك على اللى انت عايزه
ملحوظات :
- التعامل بيكون بالدولار طبعا .
- عشان تتكلم معاهم من الساعه 2 بليل : 12 الظهر عشان فروق التوقيت
- فى ناس محترفه نصب فيكون الحذر هو شعارك الأول .
- الشحن بيتم من خلال احدى الشركتين DHL او ARAMEX
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
|