[د.هبه77]

السلام عليكم ورحمة الله وبركاته
اسمحولي اشرح تشريح العين بطريقة مبسطة الي حد ما
العين عبارة عن كرة تتكون من جزء امامي (به العدسة ) وجزء خلفي
الجزء الداخلي من الكرة به مستقبلات عصبية لتلقي الصورة التي تراها (بمعني اخر ممكن نقول علي المستقبلات دي بلغة العربيات الحساسات!)
كل مستقبل بيطلع عصب صغير تتجمع هذه الاعصاب الصغيرة لعمل عصب كبير
(زي ما تكون واحدة عاملة ديل حصان) يخرج من الناحية الخلفية لكرة العين يسمي العصب البصري وهذه الصورة تكون غير مفهومة حتي تصل لمنطقة ف المخ تفسرها
مكان خروج العصب البصري من العين مفيهوش حساسات!!
اذن لا يمكنه الرؤية في هذه المنطقة فقط
وبالتالي ينتج في المجال البصري بؤرة غير مرئية حته مبنشوفهاش (بقعة عمياء) اذن البقعة العمياء دي نتيجة خروج العصب البصري من العين
كدة كدة هي موجودة عند كل الناس ولا تزيد ولا تنقص لان العصب البصري مش بيكبر ولا بيصغر الا لو امراض معينة زي ارتفاع ضغط الدم المزمن
اذن دة ملوش علاقة بمجال الرؤية(field of vision)
نشوف بقي واحدة لابسة نقاب بتكون متعصبة بعصابة علي الراس مربوطة بأحكام حول الراس ( وكتير من السعوديين المشهورين بالتفحيط بيسوقو وهم لابسين غترة لافينها علي وشهم ومبينين عنيهم بس)
هو ملامس تماما للوجه ولا يشكل حاجز او عائق بجوار العين لانها مش لابسة حاجه جاية علي عنيها , كانها داهنة لون اسود مثلا حوالين العين
عموما مستحيل اي واحدة هتسوق وبالذات الستات اللي بيخافو من خيالهم وهم بيسوقو انهم يجازفو ويسوقو وهم مش شايفين كويس ولو عملت كدة -ده فرض شبه مستحيل-يبقي هي بتضر نفسها اولا لانها اكيد اول واحدة هتتعرض لحوادث
واكيد برضة مكانش المرور هيسمح باستخراج رخصة قيادة لمنتقبة لو هي لا تري من النقاب
عموما احنا في النهاية همنا ان نرتقي بالسواقة في مصر
واكيد لازم في مؤيد ومعارض لكل شئ لان ربنا لو كان عايزنا كلنا بنفس التفكير كان خلقنا كلنا حاجه واحدة قال تعالي (وجعلناكم شعوبا وقبائل ..)
واختلافنا في الراي لا يفسد للود قضية
وعموما ممكن لو دورت شوية هتلاقي في منتقبات بيسوقو مش كويس وبس لا وكمان يمكن يوصلو لانهم بيسوقو بطريقة متهورة الي حد ما لو هي مش شايفة ومتمكنة كويس جدا من عربيتها مستحيل تعمل كده(طبعا بما ان الستات زي ما بتقولو مش بتسوق كويس اصلا فهم قلة!!)
قد تكون اراؤنا مختلفة ولكن هدفنا واحد
المحافظة علي السلامة
شكرا واسفة للاطالة