رد: البنت زى الولد ( موضوع للمناقشه )
بالنسبة للسواقة انا بكرر دائما من واقع تجاربى ان الست مظلومة جداً فى الموضوع ده مش علشان تركيبة مخ الست والراجل لكن لان الغالبية العظمى من الستات اولاً بيتعلمو السواقة متاخر جداً عن الرجالة وده بياثر بعد كده على مستواهم فى السواقة والحاجة التانية ان اكتر الستات على مدى حياتها (وبالاكثر على الاجيال اللى فاتت واللى بنت الفكرة ديه فى العقل الجمعى للرجل ) بقول ان الغالبية مش بتخرج كتير وبالتالى مش بتسوق كتير زى الراجل وباعتبارها برمجة عصبية عضلية والممارسة ليها عامل حاسم فى اتقانها وبالتالى الرجل اكثر قابليه للتعلم والاجادة بحكم الممارسة
واخيراً وليس اخراً انا بأشفق على اى ست تسوق فى مصر وبالاخص فى القاهرة والجيزة
انتو مش حاسسين قد ايه السواقة فى المدن بتتعب الاعصاب وتعصب
فما بالكم بالمرأه المخلوق الرقيق (الى حد ما) اكيد اعصابهم بتتعب اكتر واكيد هم اقرب للانهيار من الرجل امام فظاظة سواقين الميكروباص والعيال اللى سارقة العربيه من ورا اهليهم وبتوع التكاتك والتاكسى
ده كله طبعا فى جو من المطبات والحفر وعواميد النور اللى بتولع الصبح بس واللزى منه ...
انا شخصياَ نفسى اعلم مراتى وبناتى السواقة بس بجد اترعب اسيبهم فى الشارع مع الوحوش ديه كلها
فاللى يبقى عندها الجرأه او التهور للقيادة فى الظروف ديه مقدرش اقولها غير ربنا يعينها ويقويها
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|