رد: اسئلة بخصوص ضغط الهواء في اطارات اسبيرانزا 113
بص عامة كل شركة بتحدد ضغط الاطار الملائم بناء على تصميم عربيتها وطبيعى بردو ان الهواء بيتمدد فى الصيف (مع الجرى وسخونة الاسفلت) اكثر منة فى الشتاء فلازم ضغط الهواء يبقى مختلف او بشكل ابسط يفضل ان ضبط الهواء يقل فى الصيف عنة فى الشتاء
ليه يقل واية اللى يحصل لو على عن المحدد من قبل المصنع
لو حضرتك استخدمت قبل كده الكورة الكفر اكيد هتعرف الفرق بين ان الكورة تكون مش مفوخة اوى فتبقى تقيلة ومبتجريش بسرعة فى الشوط وبتدب اكتر على الارض بصوت مكتوم مميز
وعلى العكس لو منفوخة جداً بتبقى خفيفة وبتنط على الارض بشكل اكبر وسريعة فى الشوط
نفس الحكاية مع كاوتش العربية لو زاد العربية هتبقى اسرع واستهلاك البنزين هيبقى اقل بس هتبقى مشكلة عدم الثبات الناتج عن تنطيط العربية وهتبقى عرضة لان الضغط يزيد مع الحرارة والسرعة بشكل خطير قد يؤدى لانفجار العجلات
فديماً يوصى بانة يبقى اقرب لاقل نسبة معقولة حرصاً على عامل الامان لكن لو زاد شوية والكاوتش حالتة كويسة افضل من حيث الاداء
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|