عرض مشاركة واحدة
  #1  
قديم 19-05-2011, 03:17 PM
الصورة الرمزية TheSantos128
TheSantos128 TheSantos128 غير متواجد حالياً
التخصص العملى: H.R
هواياتي: CAR'S-SPORT'S
 
تاريخ التسجيل: Apr 2010
الموقع: EL-HARAM
المشاركات: 253
TheSantos128 is a splendid one to beholdTheSantos128 is a splendid one to beholdTheSantos128 is a splendid one to beholdTheSantos128 is a splendid one to beholdTheSantos128 is a splendid one to beholdTheSantos128 is a splendid one to beholdTheSantos128 is a splendid one to behold
افتراضي إِنَّكَ مَيِّتٌ وَإِنَّهُمْ مَيِّتُون

السلام عليكم ورحمه الله وبركاته ..السيدات والساده ...نعم واخيرا انضمت لقافله المواطنين الذين تعرضوا لمحاولات السرقه بالاكراه !!! ايـــــــــــون . حصل , والغريب هو مكان وزمان موقع الحدث
المكان هو فى شارع من ازحم شوارع مصر " شارع السودان " الرابط مابين شارع فيصل ومناطق المهندسين والدقى وامبابه وجامعه القاهره . نبداء الحدوته
فى يوم كنت راجع من مصر الجديده الساعه "3 صباحا" ...بعد معاد الحظر بساعه فقط... ودخلت شارع الجامعه لاخره لحد ما وصلت لشارع السودان ...."اللى ساكن هناك او بيمر كتير من هناك عارف ان فيه مطلع جديد يوصل على الدائرى . تحت الكوبرى فى ملف الواحد بياخده علشان يتجه لكوبرى فيصل" ..
المهم وصلت واخدت ا لملف " والدنيا فضيــــــــاه " واول لما لفيت مشيت كده حاجه بتاعه 20 متر وفجاه "طـــــاخ". تاكسى ابيض واسود بيجو 505 خبطنى من ورا .. قلت : بس يا معلم كملت كده اكيد الاكصدام اتشق نصين.. طبعا نزلت وناوى اعمل جنايه اشوف السواق الغبى اللى ساب الدنيا الفاضيه دى كلها وخبطنى من ورا
وزى اى صايع قديم رحت حادف وكاسر عليه ونازل ...
واذ به الاقى 3 اشخاص نزلو من التاكسى " جوز تيران وواحد عادى زى الناس الطبيعه" .. بس العربيه لسه جديده وقلبى محروق والواحد مننا برضه لما الادرينالين بيجرى فى دمه بيحس انه الرجل الاخضر كده ..:WEIGHT~173 :
انا نزلت وقولت :" ايه يا عم الحمار انت مش شايف "..... فطبيعى كانسان مصرى بيتشتم اكيد هيرد ويقعد يهلل وبكده الحوار يخلص .. لكن ده مرضش , راح مناولنى حتت بوكس فى وشق خلى الدنيا عملت فلاش .لسه بعد راسى راح مناول التانى .. " نسيم حميد بروح امه
".. قلت :لاااااااااااا .لسه هناوله بوكس راح التانى مكتفنى .ابص على التالت الاقيه بيفتح باب عربيتى .. سبحان الله ساعاتها كل اللى كنت سامعه فى ودنى حاجتين :
[اول حاجه :صوت امى وهى بتقول خلى بالك على نفسك ومتتاخرش
الحاجه التانيه: حته من فيلم : "ابراهيم الابيض". لما النجم محمود عبد العزيز كان بيقول :
إِنَّكَ مَيِّتٌ وَإِنَّهُمْ مَيِّتُون

LO]المهم قولت مدام هموت او هتروق تبقى برجوله بقى رحت زقيت الاول وملصت من التانى وجريت على العربيه مسكت الود من رقبته وقلت : انسى يا .... امك انت هتقلبنى ولا ايه .ورحت ساحب حديده معايا تحت الكرسى ورحت مناوله على ظهره الاتنين التانين لاقيتهم راحو على التاكسى :مش عارف بقى هيجو سلاح ويخلصو عليا ولا ايه فى منيت سبحان الله لاقيت مالايقل عن 15 عربيه ركنوا وكلو بيجرو عليا وانا شايف بنص عين وبيقولو فيه ايه,قلت بيضربونى وعايزين يسرقو العربيه واحد من الناس بيقول لواحد فيهم هى بلطجه ولا ايه ,قاله بمنتهى البرود : ايوه بلطجه حد عايز حاجه يا ولاد ال ..... هطلع ...ام اى حد . طبعا الشعب المصرى قال كلمته وفتكو بيهم ورحت جايب الواد اللى "كشفلى فى وشى" وهريته بالاميركن استيك اللى كانت معايا ,وحلفت ما اسيبهم اللى لما يجى الجيش وفعلا الجيش جه وخادهم والحمد لله ..
الملاحظ فى القصه اللى حصلت معايا:
1- الجيش جيه فى اقل من 10 دقايق . حاجه تفرح
2- شعب مصر لسه بخير.
3- مصر مع الاسف لسه مش امان وياخسارتك يا بلدى
4- الاكصدام بتاع عربيتى "هيونداى النترا" كل اللى حصل فيه خدش بسيط طلع باكمبوند وشويه شمع,ودى حاجه غريبه من خبطه من عربيه بيجو قديمه وماادراك ما البيجو القديم.
5- اى حد يحاول يتحرش بيك او يرخم عليك علشان تقف متعملش غلطتى وتقف .اجرى والسلام

المفارقات فى القصه دى :
1- فى شاب امور كده بعد لما سيطرنا على الناس دى ومستنين الجيش جالى وقالى"لو سمحت يا كابتن انت جاييب الامريكين استيك دى من فين" ده وقته يعنى !!!
2- لما روحت البيت "وطبعا راجع الساعه 4 وشويه وجسمى بيوجعنى ووشى شبه وارم وطالع ....اهلى وتعبان "
الاقى والدتى بتزعق وتقولى :كل ده تاخير يابنى الدنيا مش امان وخطر.هههههههههههه:crazyW1 4:
ودمتم فى خير
لست خائف ولست كاره ولكنى غاضب ... زعلان اوى عليكى يابلدى .


[/COLOR]

التعديل الأخير تم بواسطة MIDO-SPICY ; 20-05-2011 الساعة 05:50 AM سبب آخر: تعديل الايه القرانيه
رد مع اقتباس