المشاركة الأصلية كتبت بواسطة mohamed ibiza
اهلا بيك يا باشا
مش عارف حضرتك مختار الموتور ده تحديدا ليه بس عموما هتلاقيه ده لو لقيته لان العربية لسه نازله اصلا هيبقي غالي و اللي المفروض هتعمله انك هترفع اساسيات العربية عندك (موتور بالضفاير بالكنترولات طبعا-فتيس) وتسقط ال1600 و تشوف لو العربية هبطت يبقي هتغير مساعدين و سوست و عموما العفشه عندك بتشيل ال 1400 مستريح فا لو سقطت ال 1600 امشي بيها الاول و شوف النظام ايه و طبعا هتغير شجرة الشكمان و تجيب بتاعه ال 1600 و تجنط 15 و فرد 195/55 او 16 و فرد 205/55
و انا في رأيي طالما حضرتك عايز تسقط يا اما تسقط مكنة polo gti اللي هي 1600 123 حصان يا اما تسقط مكنة الجولف ال 1600 102 حصان اللي هي موجودة من سنة 1998 في الاوكتافياA4 و الجولف 4 و الاودي a3 و البورا و الباسات99 و التوليدو و الليون 2001 لحد دلوقتي موجودة و هي مكنة ممتازة و صيانتها سهلة جدا و قطع غيارها موجودة متوافره بس متتوقعش انها تكون رخيصة طبعا هتلاقيها زي عندك كده و يمكن اعلي شوية بسيطة
يا اما بقي لو عايز غول مش عربية قولي و انا اقولك مكنة تانية لان الكلام اللي انا قولته فوق ده هيتكلف حوالي 7000 جنيه بينما ممكن تسقط حاجة اعلي و الفرق بينهم بسيط
|
برنس دايما برنس موش عارف من غيرك السيتاووية كانوا عملوا اية