[د.كمال]

الأخوه الأعزاء
عندما اتناقش مع احد فى امور البلد والثوره ألاقى رد فعل عنيف ممزوج بالمراره علينا كشعب مما وصلت إليه الامور من انفلات امنى وبلطجه وفوضى وعدم مبالاه من الجيش والشرطه .
والذين اتناقش معهم ناس مثقفين ومتعلمين واستغرب مما يقولون لدرجه انهم يقولون لى انت مش عايش فى البلد ولا إيه
منهم من يقول احنا شعب فرعونى مينفعش فيه غير فرعون يمشيه بالعصايه ومنهم من يقول احنا شعب يخاف ميختشيش مينفعش فيه غير الكرباج .....طب ياجماعه ليه ده كله ....يقولون
عاجبك موضوع السلفيين إللى كانوا مستخبيين فى جلدهم من امن الدوله فى النظام السابق دلوقتى بيقيموا الحد على الناس فى الشوارع وينزلوا أأمه الاوقاف من المنابر وعايزين يعملوا فتنه طائفيه بحجه كامليا شحاته وكأن كامليا شحاته هى مشكله مصر مع دول حوض النيل .
عاجبك أهالى قنا يرفضوا قرار حكومه الثوره بتعيين محافظ مسيحى ويقطعوا الطرق والسكه الحديد وعايزين يعملو ثوره ضد الحكومه على الرغم انهم كان معاهم محافظ سابق مسيحى ومحدش سمع صوتهم فى عهد النظام السابق .
عاجبك بدو سيناء يقطعوا الطريق الدولى بشرم الشيخ وطريق منفذ العوجه الدولى مطالبين الحكومه ان تفرج عن ابناءهم المحكوم عليهم فى قضايا مخدرات .
عاجبك مظاهرات سائقى سيارات تاكسى الاجره (مشروع التاكسى الجديد ) امام وزاره الماليه مهددين الوزير بأعفاءهم من باقى الاقساط على الرغم من إعفاء الوزير لهم اقساط شهر فبراير ومارس نظرا لظروف الثوره إلا انهم يهددون بالأعفاء النهائى من باقى الاقساط ....هما كانوا هيقدروا يعملوا كده مع بطرس غالى .
بصراحه معرفتش اقنع الناس دى وقلتلهم انا مش عايش فى البلد .