عندى مشكلة فى جولف 2 و محتاج مساعدتكم
المشكلة ببساطة ان ال rpm مش مظبوط شوية طالع و شوية نازل
بس ده بيحصل اكتر فى حالتين اول ما بدور العربية بيبقى واطى قوى و لازم افضل دايس على البنزين علشان تسخن و بتبقى فترة كبيرة شوية الحالة التانية بتكون و انا ماشى عادى وفجاة الاقي ال rpm عالى من غير ما ادوس على اى حاجة و لو بطلت و دورت تانى برده بيفضل كده لازم العربيه تبرد خالص علشان يرجع مظبوط تانى زى الاول .
معلش انا طولت عليكم بس عاوز اقول برده ان الموتور انجكشن 1600 ياريت لو حد يعرف ده ممكن يكون من ايه يقولى و يقولى برده ممكن اعالج ده ازاى و عند مين ملحوظة : فى صوت بسمعه اول ما بدور و غالبا ده صوت التاكيهات مش عارف ممكن تكون المشكله دى بسبب التاكيهات و لا ده مالوش دعوة و ياريت لو حد يعرف التاكيهات بتاعت الموتور ده بتتظبط على كام يقولى
المشكلة التانية الحرارة بحس ان العربية بتسخن فى حد قالى ركب ثرموستات بتاع فيات يفصل عند 70 درجة مش 90 مش عارف ده صح و لا لا
و سمعت برده ان فى ثرموستات بيفصل عند الواطى و العالى ده عادى يركب على الجولف و لا ايه؟؟؟
نرجو الافادة من اهل الخبرة
شكررررررررررررررررررررررر رااااااااااااا
|