[MmFFoR]

المشاركة الأصلية كتبت بواسطة khaled seoudy بدايتنا انا متعرفتش باسم حضرتك و احب اقولك ان اسلوبك في النقاش نقطة نقطة هو اسلوب انا شخصيا بفضلو لما فيه من افادة و شمولية في النقاش مع تغطية التفاصيل و مع ان حضرتك مش كل النقط رديت عليها و كلام حضرتك بردو مردود عليه : الدستور : اولا احب اعتذر في الخطأ دا و دا كان بسبب قصور في معلوماتي لكن دستور غير كامل و غير واضح هو اسوء من لا دستور لأنو هنا موضع تأويل البرلمان : مش معنى ان البرلمانات العربية كانت لا تمارس سلطاتها ( عشان مزورة ) يبقى هي ملهاش سلطات .. البرلمانات العربية ليها سلطات و في منها برلمانات حية جدا جدا كمان زي البرلمان الكويتي و البرلمان اللبناني و الموريتاني ثم ان برلمان لا يختاره الشعب هو فاقد للشرعية و لا يعبر عن هذا الشعب لأن الوطن ملك الشعب و ليس ملك اسرة تختار هي مستشاريها و تسميهم برلمان بل و تسمي الدولة باسم العائلة القضاء : خضوع القضاء للديوان الملكي لا يعني ان الامراء لا يحاكمو .... معناه ان اي قضية يتحكم فيها بحكم لو معجبش الملك من سلطاتو يعيد المحاكمة ( سواء كان الحكم بالبراءة أو الادانة ) و من سلطات الديوان الملكي تعيين القضاة و نقلهم و تسريحهم و دي حجات كلها بتقلل من استقلالية القضاء عن الدولة لأن المفروض الحاجات دي يعملها مجلس من القضاة ( زي المجلش الأعلى للقضاء عندنا ) العبادات : انا قلت فرض عبادات و حضرتك كلمتني عن اباحة منكرات يعني كلمتني عن حاجة تانية اصلا و الحجاب فريضة و فضيلة لكن مش فريضة عليك انك تخلي جارتك تلبسو ولا فضيلة منك انها لو قلعتو تشدها من شعرها على القسم و احكيلي عن منع النساء من القيادة هل هو فضيلة ؟؟؟ حروب الردة : في حروب الردة بعض القبائل خرجت من الملة و بعضها منع الزكاة و ابوبكر رضي الله عنه حاربهم ... اللي منعو الزكاة دول قالو انها مش موجودة في الاسلام و بذلك اسقطو ركنا من اركان الاسلام الخمسة فخرجو من الملة و دا غير لما واحد يقولك مثلا " انا مسلم و في زكاة في الاسلام بس انا بخيل و مش هدفعها و عايز ادخل النار و ملكش دعوة بيا " افهمهالك بطريقة تانية ... هو مش صيام رمضان من الاركان الخمسة بردو ... طيب لو واحد انكر ان في حاجة اسمها صيام رمضان ( يبقى كفر ) ... طيب لو فطر في رمضان يبقى ايه ؟؟؟ انا مش برمي الناس جزافا بالتهم ... انا الحمد لله دارس المذاهب الاربعة و فقه و شريعة و مقاصد شريعة و مسلم ملتزم و الحمد لله

سيادتك مش واخد بالك من حاجة

ان الانظمة مش كلها ديموقراطية او رأسمالية
فيه انظمة ملكية
فيه انظمة اميرية
فيه انظمة سلطانية
فيه انظمة اشتراكية
فيه انظمة شيوعية

كل نظام له مميزات و عيوب
افضل الانظمة و خيرها هو نظام الخلافة الاسلامية الغير مطبق حاليا لانه يجمع بين الديموقراطية في اختيار الخليفة من قبل الشعب - متابعة اعماله و تقويمة من قبل مستشاريه و وجهاء الشعب - و ايضا يجمع النظام الملكي لانه خلافة حتى موت الخليفة ولكنه لا يورث لابناءه الملك خلافا للملكية

نرجع لموضوعنا
السعودية اسمها المملكة - و الممالك عادة تعطي صلاحيات موسعة للحاكم
كون ان القضاء يرجع باحكامه للديوان الملكي للتصديق عليه فهو لان احكام الشرعية تطبق بموافقة ولي الامر لانه المسؤول الاول و الاخير و القاضي يحكم بين الناس و ولي الامر يصدق على حكمه او يعارضه ان شاب الحكم شك

موضوع النقاش ليس النظام السعودي
لان انا نفسي غير معجب بيه

و لكن انا اعارضك في حاجة

لما نتكلم عن السعودية لو مش عاجبنا النظام منجيش نهاجم كل حاجة حتى الصواب منها

فعلا من الشرع عدم اختلاط المرأة بالرجل او الخلوه به
السفور و التبرج ايضا خلافا للشريعة - و في عهد الدولة الاسلامية كان النصارى يرتدون كالمسلمين درءا للفتنة لانها دولة الاسلام و من يعش فيها يجب عليه ان يحترمها
(بالضبط يا حبيبي زي فرنسا - منعت الحجاب في المدارس و الجامعات و اي عمل خاص او عام احتراما لقوانينها - و اخيرا منعت النقاب حتى في الشارع!!!)
كما هم من حقهم الحفاظ على عاداتهم حتى و ان كانت باطله و مخالفة لدينهم ذاته- لماذا تعيب على السعودية الحفاظ على عادات دينها و هو الحق!!! ام اننا في زمن يعلو فيه صوت الباطل على صوت الحق و نرى من ابناء جلدتنا المصفقون و المهللون؟؟؟)