[silentman84]

المشاركة الأصلية كتبت بواسطة zoom man سيارات معفنة................ صيانة مافيا........... قطع غيار مضروبة....... اسعار سرقة فى سرقة........ ضرائب و جمارك نهب و بلطجة....... أى دولة محترمة ترضى ذلك لابنائها....اى دولة.؟ منظومة السيارات فى مصر محتاجة اصلاح شامل.!

كلامك مظبوط اخى زووم .....مثلا اسبرانزا ام 11...ودى اسمها شيرى فى الصين وابو الفتوح مغير اسمها....اتفرج على الاوبشنز والتقفيل الصينى ...تقول روعه.....تعالى كده شوف تقفيلها المصر ...ابو الفتوح شلفطها خالص وشا منها اوبشنز كتير ...ده غير التقفيل المصرى اللى زى زفت ...اللحام باين ومش مظبوط لحام بلدى مش زى اللحام الصينى...ده غير انك لو بصيت قدام على العربيه حتلاقى فيه فرق بين الكبوت والاكصدام....بصراحه حاجه نفرح القلب....اما بقى غبور باشا ....مشتغلنا احلى اشتغاله ..العربيه الفرنا اصلا دى اسمها اكسنت مش فرنا....المهم غير اسمها علشان يعرف يشتغلنا ويتاجر صح وده المفروض الشكل الجديد بعد اول عربيه نزلت وكان اسمها اكسنت لو تفتكروها....بعد كده النيو اكسنت وهى تغير فى شكل العربيه وبعد كده فضل ينزل فى النيو اكسنت هو هو الشكل مع اختلاف سنه الموديل ليس اكتر ...يعنى هو هو الشكل بس بيتكتب فى الرخصه موديل سنه الترخيص ...لحد مانز الار بى ودى شكلها مختلف تماما عنهم.....فلماذا الاكسنت اقصد الفرنا موجوده لحد الان وتباع باسم تانى....اما عن قطع الغيار فهم فعلا حراميه...مش بيركبوا القطع الاصلى ...بيركبوا التقليد هو حد عارف حاجه....لا والمصيبه بيركبوا كمان قطع غيار مستعمله مثلا زى الجير بوكس...واحد عمل حادثه بعربيته والجير بوكس اتكسر ...راحوا مغيرنه بواحد مستعمل وحسبوه على اساس انه جديد ...اخينا سمع صوت مش مظبوط وعض فى النقلات(المفروض مايسمعش حاجه ماهو جديد) المهم راح للمكانيكى بتاعه بره التوكيل وحل الجير بوكس طلع مستعمل والترس كمان مش بتاعه.....راح التوكيل نيل الدنيا وكان حيعمل محضر لكن الموضوع اتلم وغيروله الجير بوكس بواحد جديد خوفا على سمعه الشركه من الفضيحه...ده غير ان ممكن عربيتك تتخبط وهى واقفه جوه عندهم ...وتتصلح وتترش كمان من غير ماانت تعرف...وتستلمها زى الشاطر ...شوفتوا معدومى الضمير والغشاشين والحراميه بيعملوا ايه فينا ...منهم لله وحسبى الله ونعم الوكيل .....ومش حنسيب حقنا ياتجار.....غبور ورمسيس وابو غالى واباظه وهورس موتورز وابو الفتوح وكل الشله الجميله دى