[m_elhdeny]

المشاركة الأصلية كتبت بواسطة sad-bird بما اننا فتحنا كلام عن الفرامل فهرجع ليها شوية وربنا يستر وحد من الخبراء يدخل يصحح العك اللي هقوله الفرامل: هي الوسيلة التي يتم بها ايقاف السيارة ومنعها من التحرك مما تتكون منظومة الفرامل على حسب نوع السيارة السيارات الصغيرة تتكون من دواسة الفرامل التي بدورها تتحكم في ماستر الفرامل الذي يقوم بتوزيع الضغط على العجلات الاربع بالتساوي تيل الفرامل ( بالاشتراك مع الطنابير اللي هيا اصلا بتنقل الحركة من الكرونا للعجل ) السيارات الكبيرة ( النقل ) تتكون من دواسة الفرامل - خزان ضغط هواء - تيل الفرامل طبعا ملناش احنا دعوة بالعربيات الكبيرة احنا كتاكيت على قدنا خلونا في الصغيرين :w6w2 00504112246446a ايه اللي بيحصل لما بندوس على بدال الفرامل أو دواسة الفرامل فيه منظومة ميكانيكية راكبة في اخر الدواسة بتضاعف عزم الضغط ده مرات بتحول الضغط على زيت الباكم ( زيت الفرامل) اللي بدوره بينقل كمية الضغط بالبار من خلال المواسير المخصصه للفرامل لتوزيعها من خلال ماستر الفرامل على العجلات الاربع فيلتقي السائل السريع السيولة ( الباكم ) مع منظومة الضغط الاخيره هي قطعة حديد راكب عليها قطعة اخرى خشنة الملمس ملحومة أو مثبته فيها وهي تيل الفرامل زيت الباكم هو احد المواد البترولية شديد السيولة يستخدم في منظومة الفرامل نظرا لسيولته الشديد ولانه ايضا مادة مزيلة للصدأ وبالتالي لا يمكن ان يحدث كتم في منظومة الفرامل بسببه (بالعكس اذا فيه كتم في المواسير الزيت هيدوبها وياكلها ويمشي) تيل الفرامل زي ما وضح اخونا عبده بالصور قبل كده قطعة حديد عليها جزء اخر معدني مثبت عليها ( غامق اللون ) وملمسه خشن الجزء المعدني الاخر ( غامق اللون ) بيتآكل مع كل مرة ضغط للاحتكاك بينه وبين الطنابير كلما تأكل الجزء الخشن من التيل كلما ضعفت الفرامل وكلما كانت الفرامل جديدة والمنظومة سليمة كلما قويت الفرامل (بنقول عليها على الشعرة يعني يدوب تلمس يدوب تقف) ولذلك كلما طالت فترة استجابة الفرامل أو زادت مسافة الضغط حتى أخر الدواسة وجب الكشف على منظومة الفرامل لبحث ما هو السبب فقد يكون هناك تسريب في زيت الباكم وقد يكون هناك تآكل في التيل ومتوقع من اسلوب القيادة ما سوف يكون فلو كانت القيادة في وسط الزحام وكثيرة التوقف كثر استهلاك التيل فمتوقع تغيير التيل س : التيل بيتصلح والا بيتغير ؟ في العربيات القديمة ممكن يتصلح بيتفور البرشام اللي ماسك التيل الخشن مع الجزء الناعم ويتعمل غيره المميزات تكلفة اقل العيوب استهلاك اسرع في معظم الاحوال الكفاءة تقريبا يكافيء التيل الاصلي ان لم يكن اجود منه وذلك على حسب الخامة التي يستخدمها الخراط س: كيف اتعامل مع زيت الباكم ؟ ج/ زيت الباكم زيت ضار بدهانات السيارة لذلك اذا حدث اثناء تزويد السيارة بزيت الباكم ووقع منه قطرات على الصاج او الحوض فاسكب عليها ماء غزير واتركها لتجف ولا تفعل فيها اي شيء اااااااااااااااااااااخر ولا تحاول حتى ان تزيله بقطع قماش لانه غالبا سيزيل طبقة الدهان ملحوظة يمكن استعمل زيت الباكم في فك مسامير او صواميل قفشة مش عارفين تفكوها لكن بعيد عن اي مواد مشتعله او اي مواد دهانات تتأثر به س في حالة ضعف الفرامل ماذا افعل ؟ ج: يتم الكشف على منظومة الفرامل كما ذكرنا فان كان التيل تالفا وجب تغييره وأن كان التيل سليما يكون غالبا ماستر الفرامل به هواء وطبعا الهواء قابل للانضغاط وبالتالي لما نضغط على الدواسة للأخر اغلب عزم الضغط هيروح في الهواء ماذا يتم فعله يفتح الميكانيكي الصاموله الخاص بتفريغ الزيت بجوار الطنابير ثم يطلب منك الضغط على دواسة الفرامل عدة مرات متتالية قبل ان يطلب منك الثبات على وضع الضغط لحين ربط الصامولة مرة اخرى ثم تكرار العملية عند كل عجلة واحذر ان ترفع رجلك من على الدواسة في حالة طلب الضغط الاخيرة الا عندما ينتهي الميكانيكي من عمله وربط الصاموله والا ستعيد كمية من الهواء الي المنظومة مرة اخري ماذا يحدث في هذه العملية نظرا لوجود الهواء في منظومة الفرامل فيتم ضغطه ولأن الهواء يذهب في اتجاه الضغط او في الاتجاه لاعلى في صوره فقاقيع فما يهذب لاعلى يذهب لعلبة الزيت في الاعلى ولا ضرر منه اما ما ينضط فيذهب اتجاه نهايات المواسير ويتجمع فيها وعند الضغط يتم خسارة كمية من الزيت بالاضافة للهواء الموجود ولكن احذر ان ترفع رجلك من على الدواسة في حالة طلب الضغط في المرة الاخيرة كما ذكرت سابقا أسف على الاطالة وارجو ان اكون وفقت حد هيضرب

استاذ ورئيس قسم

المشاركة الأصلية كتبت بواسطة sad-bird في حالة الاحتياج لسمكرى فيوجد حالتين الحالة الاولى ضرر شديد في الصاج يستلزم معه ان يتعامل السمكري معه بالتسخين وحرق البوية وعمل بنط والدق عليه ثم الدهان على حسب الحاجة ممكن باب ممكن رفرف ممكن دهان كامل لماذا باب على بعضه او رفرف على بعضه مع ان الجزء صغير 10 سم × 10 سم مثلا حتى يكون هناك تجانس في اللون في المنطقة المصابة فيخفي العيب في حالة الضرر البسيط ( تطبيق للداخل مثلا) بيتم التعامل معاه على البارد دون اللجوء للسخان ودون الحاجة للدهان باستخدام الشاكوش فقط وباستعمال ادوات اخري معينة ويراعي في حالة الدق على البارد استخدم سطح عازل بين الشاكوش والصاج منعا لازالة الدهان او تلفه مثل الشحم ثم بعد الانتهاء يتم التلميع بالبولش او الكومباوند لعودة اللون اقرب ما يكون لحالة المصنع أرجو ان اكون افدتكم

تمام كدة
والرد على البارد اقل تكلفة طبعا

المشاركة الأصلية كتبت بواسطة m.elhasafy على فكرة خلع الحذاء عند القيادة (زى فيلم ظرف طارق) ممكن يبقى راحة نفسية أو فزلكة و لكنه أحياناً بيبقى لسلامتك!... إزاى؟!... حضرتك لو لابس حذاء له بوز طويل (زى علاء الدين) و ما أكثرهم فى أيامنا هذه حضرتك لو نعل حذاءك ناعم جداً و/أو دواسة الفرامل كاوتشها ممسوح حضرتك (مؤنث) لو لابسة حذاء سواريه أو حتى بالنهار و له بوز طويل (شيك قوى على فكرة) حضراتكم لو لابسين أى حاجة مش ثابته فى القدم: سابوه ... شبشب بحر ... شبشب حمام (نازل مستعجل) حضراتكم لو توفرت فيكم أياً من الحالات السابقة فيبقى يفضل أن تكون القدم اليمنى بدون حذاء بغرض السيطره على الفرامل و قت اللزوم و لا تنسوا وضع الفرده فى دواسة الراكب المجاور وإلا يبقى بنصلح حاجة و نبوظ حاجة تانية وقانا الله و إياكم من شر الطريق

واحد صاحبى بيسوق
وهوة حافى بقولو لية كدة بيقولى عشان نوصل اسرع
ههههههههههههههههههههه

المشاركة الأصلية كتبت بواسطة حسام البورسعيدى هقولك باختصار كده .. لو امامى يبقى اسمه "جر امامى" .. ولو خلفى يبقى اسمه "دفع خلفى" ... الجر الامامى : بيكون فيه وضع الموتور بالعرض وجنبه الفتيس ومتصل بالعجلات عن طريق "الكبالن" .. استخدامه اكتر فى معظم العربيات الحديثة (سيارات الركوب) .. تكلفة تصنيعة اقل واجزاؤة اقل وبالتالى بيوفر وزن كبير فى العربية .. بيعطى تسارع افضل (لان الجر من الامام اسهل من الدفع من الخلف) .. بيوفر مساحة كبيرة داخل العربية وخصوصا للركاب الخلفيين والشنطة .. ومن عيوبه : عدم اتزان العربية فى الملفات الحادة نتيجة عدم تساوى توزيع الوزن .. فالوزن بيكون اكبير فى الامام عن الخلف .. قله التحكم عن الخلفى لا العجلات الامامية بيكون وظيفتها التوجية وتحريك العربية فى نفس الوقت .. تكلفه صيانة اعلى (نظريا) لكن عمليا لا بسبب انتشاره الكبير .. ولكن يحتاج صيانة اكتر من الخلفى (خصوصا الكبالن) اما الدفع الخلفى : بيستخدم اكتر فى عربيات النقل - الميكروباصات - الاتوبيسات - العربيات السوبر وعربيات السباق - العربيات الفخمة زى مرسيدس و BMW - وطبعا فى معظم العربيات القديمة ... بيكون فيه وضع الموتور بالطول وخلفه الفتيس وبينقل الحركة الى الخلف عن طريق عمود اسمه "عمود الكردان" ومنه للكورونة اللى بتقسم الحركة على العجلتين (اليمين والشمال ... بيعطى ثبات اعلى وتوزيع للاوزان افضل .. ومن عيوبه : تكلفه تصنيعه اعلى واجزاؤة اكتر .. بيقلل المساحة المخصصة للركاب الخلفيين ومساحة الشنطة لوجود اجزاء خلفية .. ده باختصار طبعا .......

الله ينور ياعم حسام