[حسام البورسعيدى]

بفضل الله انضممت للوجانويه وجبت عربية رينو لوجان 2010 فل اوبشنز كسر زيرو .. واشتريتها من احد اقاربى ... ألف مبروك ياعم حسام ربنا يعطيك خيرها ويكفيك شرها

الله يحفظك ويبارك فيك يا غالى ...

طبعا بجانب حبيبة قلبى هيونداى افانتى 1997 1500 cc وكمان بسبب ظرف وفاة اخونا الغالى "خالد خليفة" اللى احزننا كلنا .. ربنا يغفر له ويجعل مثواه الجنة ... ربنا ينزله الفردوس الاعلى ان شاء الله اللهم آمين

امين يا رب العالمين ...

اللهم انعم عليه بجناتك وقه عذاب النار ..

صورة اللوجان من البلكونة هههههههه يا راجل حرام عليك مكسل تنزل تصورها

ههههههههههههههههههه

واسمحولى كمان ارتب العيوب من الاهم فالاقل اهمية (من تجربتى الشخصية) - اكتر عيب مضايقنى هو مكان الكلاكس اللى فى دراع الاشارات والنور .. وبرضو مضايقنى لانى متعود اسوق بإيد واحده .. وكمان علشان صعب تضرب كلاكس وانت بتلف فى نفس الوقت الا باستخدام ايديك الاتنين .. يعنى الكلاكس مش عملى اد كده ... هو أصلا ميزه علشان الناس المستهترين اللي انت عارفهم اللي بيسوقوا بأيد واحده يحترموا القيادة ويبقى غصب عنهم يسوقو عدل ويبطلو يرجعو الكرسي لورا وينامو وهما بيسوقوا

يالهوى .. انت عاوزنى اسوق بايديا الاتنين ..

طب تصدق انا لو سوقت كده ممكن فعلا اعمل حادثة ..

لما اسوق بايد واحده بقدر اتحكم اسرع فى الدريكسيون فى المواقف المفاجئة ..

ده غير ان ايدى التانية بتكون دايما على الفتيس وده بيخلينى اسوق بطريقة اكثر سلاسة ..

بس الكلام ده طبعا جوا البلد .. لكن على الطريق فعلا لازم الواحد يمسك الدريكسون بايدية الاتنين ..

- تانى اكتر عيب مضايقنى فيها هو ثقل الدريكسون .. الباور تقيل بطريقة ملحوظة .. وكنت متوقع انه هيكون اخف من كده شويه (مع العلم انى كنت عارف انه تقيل من تجارب الاعضاء على منتدانا الغالى) .. والعيب ده هيضايق اكتر الناس اللى متعوده انها تسوق بإيد واحده اغلب الوقت (زى حالاتى كده) او اللى كان معاه عربية الباور بتاعها اخف من كده واتعود عليه (زى حالاتى برضو مع الافانتى) .. شوفلك حته لادا اتعلم عليها وانت يطلعلك مجانص وباي وتراي وهترجع تقول يا حبيبتي يا لوجي

يا حبيبتى يا لوجى

ههههههههه

-رابع عيب هو موضوع الازاز .... مش علشان مش فى الابواب .. لكن علشان الزراير مش مجمعة .. يعنى علشان افتح الازازين اللى ورا من مكان تانى خالص عن اللى قدام (مفاتيح الازاز اللى ورا خلف فرامل اليد على طول) .. والمشكلة ان الزرارين دول هما اللى هيستعملهم الركاب اللى ورا برضو .. يعنى السواق ملهوش وحده مستقلة بيه زى اغلب العربيات التانية ان لم يكن كلها ... اعتبره نوع من التوفير حتى لما الزرار يعطل يبقى هو زرار واحد بيتغير لورا وقدام

تصدق ... نظرية برضو

لكن عموما مع التعود ....... شغال يونيفيرسال ههههههه طيب ممكن لفة

- خامس عيب هو موضوع ظبط كرسى السواق .. علشان تعليه لفوق لازم تنزل من العربية .. او تتشعلق فى الدريكسيون وترفع نفسك .. لان الكرسى بيترفع زى كرسى المكتب بضغط الهوا مش نظام رافعة (بكر يعنى زى ما انا متعود فى الافانتى) ... طيب انت قصير ذنب الناس الطويلة ايه تطلع ده عييييييييييييييييييييب

- اولا: قله العزل ووضوح صوت الموتور وخصوصا انه اصلا صوته عالى .. حلو علشان تحس بمتعه القيادة الرياضية وتحس بالماتور وبادائه لو اني اظن انك ممكن تزود العزل بس قدام بقى لما تخرج من الضمان وتعمل نص مليون كيلو والا حاجة

قول يا رب

- ثالثا الكاسيت الاوديو فقط برضو مضايقنى لان الـ CD الاوديو بتاخد بالدقايق مش بالميجا واخرها 80 دقيقة بس (يعنى الـ CD بتاخد حاجات قليلة جدا) .. ولو انى مش بعتبره عيب اوى لان ممكن يتعالج بسهولة جدا بمجرد تغيير الكاسيت ... ومن غير ما تغير الكاسيت هات mp3 ولاعة بالريموت وركبله فلاشة 2 جيجا وشغل الكاسيت على FM واسم بقى براحتك

مش بحب الموضوع ده لان الصوت بيكون مش نقى ومش مجسم .. لانة جاى على موجة راديو مش استيريو ...

بس ممكن يبقى حل رائع لسماع القران ..

- فتح الشنطة والتانك من الخارج برضو تعبونى شوية بس اتعودت عليها خلاص .. لان المشكلة عندى ان معظم العربيات اللى اتعاملت معاها بما فيهم الافانتى بتاعتى الشنطة والتانك من جوه .. احسن علشان تبطل كسل لو انها ميزة مش عيب بالاضافة ان فيه رد عليك اخونا رينو 18 في موضوع فتح الشنطة

والله انا كده كده بنزل من العربية افتح التانك بنفسى سواء بيتفتح من جوه او من بره ...

ورينو 18 قصده ان لوك الشنطة بيفتح مع السنتر .. لكن انا قصدى انك علشان تفتح غطا الشنطة نفسه بيبقى من زرار بره على الشنطة مش من جوه العربية ...

اولا : الموتور الاقتصادى بتاعها وكونه 8 صباب فهو موفر فى البنزين الى حد كبير وملحوظ بالرغم انه 1600 CC (بالمقارنة بعربيتى الافانتى الـ 1500 cc ولكن 16 صباب 2 كامة علوية) .. تمام بس حاول تحسب معدل الاستهلاك داخل المدينة وخارج المدينة

مهو دى الميزة فى شاشة المعلومات .. من وظايفها حساب معدل استهلاك البنزين ..

والاستهلاك تراوح معايا من حوالى 9 لتر/100 كم .. الى 12 لتر / 100 كم .. كل ده داخل البلد وفى الزحمة وسواقه مش موفرة .. لكن لسه انا مطلعتش بيها ع الطريق لغاية دلوقتى .. بس اعتقد ان استهلاكها ع الطريق هيكون ما بين 6 لتر / 100 كم و 8 لتر / 100 كم .. وده استهلاك ممتاز جدا الحمد لله ..

طبعا كل ده مع بنزين 92 ..

- تكييف العربية معقول جدا (مش عارف اجربه كويس لان الجو لسه مش حر) .. انا حاولت اجربة فى يوم كان حر شوية فى وقت الظهر .. وكان كويس ومعقول جدا .. المشكلة فيه بس ان فتحات خروج الهوا مش عملية ومش بتوزع الهوا كويس ... هانت كلها ايام وهتشغله بس موجة المطر دي تخلص

يا عم انا مش مستعجل ع الفرن هههههههه

- شنطة اللوجان عالية حبتين وده بيعمل صعوبة فى ركن العربية .. محتاج شوية تعود فى الاول .. بس اعتقد ان علو الشنطة ده لزوم الثبات على الطريق .. ركب حساس ركن

ان شاء الله ..

- اللوجان اوسع عربية فى فئتها بدون منافس .. واعلى كماليات فى فئتها .. يعيبها ان الموتور اللى بتنزل مصر بيه 8 صباب والموتور الـ 16 صباب لسه منزلش مصر للاسف ... بكرة ينزل يا وحش

يا ريت والله .. لو نزل هتبقى العربية دى نمرة واحد بلا منافس ...

- لمبات الاشارة فى التابلوة فيها حاجة مضايقانى شوية وهى ان السهمين (يمين وشمال) بينوروا مع بعض سواء كانت الاشارة يمين او شمال .. طيب أسأل في التوكيل لان ممكن دي تكون مشكله وتتصلح

لالالالا .. هى طبيعتها كده .. وكتير من العربيات الفرنساوى فيها الموضوع ده ..

فزلكة بقى بعيد عنك ..

الله ينور يا حسام وربنا يعطيك خيرها ويكفيك شرها الملاحظات انا قلتلك عليها في وسط الكلام باللون الاحمر لكن اكبر ملاحظة بقى انك بتقارن بينها وبين الافانتي ودي مقارنة متنفعش عاوز تقارنها يبقى تقرانها مع فيرنا ( فيفي كورسير) او لانوس ثاني حاجة انت بتتكلم عن عربية عائلية اقتصادية وتتحمل وفيها طابع شبابي شوية يبقى مينفعش تدور على ماتور 16 صباب والا تركن دي على جنب وتدور على واحده شبابية

حبيب قلبى يا محمد يا على ..

هو فعلا فى اختلاف بينها وبين الافانتى ..

بس على فكره الافانتى فيها كتير من الفيرنا .. وخصوصا الموتور .. متشابة جدا مع موتور الافانتى ..

على فكرة الافانتى هى هى الالنترا .. بس الافانتى استيراد كورى (منطقة حرة بورسعيد) ..

وانا لما جربت الفيرنا الاتوماتيك حسيت انى سايق الافانتى بالظبط ..