استاذ عصام
مشكله بسيطه صغيرة
انا نزلت للعربيه و طبعا اتشقلبت عشان اوصل بالنظر لمكان الدبرياج
وصدمت لما لاقيت الدبرياج مفيهوش الرجلاش اللي فى الصورة
واستنتجت ان العربيه دبرياج وايار "كابل"
ممكن مساعده فى ظبطه ؟! انا الاول والتانى والمارش مشكلتى الحالية فى العربية
وكنت ناوى اغير ديسك واسطوانة , بس لو فى طريقه لظبطه ابقى شاكر تعبك معايا
الدبرياج بكبسه للاخر و الكابل مشدود على الاخر ولسه الاول والتانى ناشفين جدا
|
بسيطه اوى عربيتك على وير مش باكم ولذلك
هتفتح الكابوت وتبص على الفتيس هتلاقى دراع الدبرياش موصول بوير الدبرياش ( اى حد يقعد جوه العربيه ويدوس ويسيب دبرياش علشان تشوف الدراع وتعرف مكانه )
ثم
هتلاقى على الوير من طرفه صامولتين واحده رباط والتانيه غفير هتفكهم وبعدين تزق الدراع بأيدك ناحيه صدرالعربيه ( الصالون )
ثم
تشد الوير ناحية خارج العربيه بقوه وتعيد الرباط تانى بس الصامولتين هتلاقى مكانهم اتحرك لجوه شويه عن الأول
جرب عربيتك وادعيلى