[3bd0]

المشاركة الأصلية كتبت بواسطة sad-bird والله الموضوع ده محتاج حد من الخبراء يرد مش المبتدئين بس اظن ...... اظظظظننننننننننننننن ان ال ABS ملوش علاقة بالامريكاني لانه بينمع الانزلاق في حالة عدم التوازن (أو الاختلاف) بين معملات الاحتكاك على مسطح الارض اللي ماشى عليها العربية زي ما اخونا مصطفي شرح كده لكن الامريكاني انك هتعلي عدد لفات الماتور وتعشق على عدد لفات عالي وبالتالي العربية هتفرك وتطلع وبعدين مش حرام عليك الافترا ده عاوز تتفرك بالارمادا انت لاقي فلوسك يابني

ما انا محتار عشان كدا، في الأمريكاني بيبقى فيه عجلتين بيلفو جامد أوي وعجلتين تقريبا ثابتين
يعني نفس فكرة الفرملة على سطحين مختلفين في معامل الإحتكاك، الفرق الوحيد ان في الأمريكاني مفيش فرملة، ده في تزويد بنزين بس.
الأمريكاني اللي انتا وصفتو ده في المانيوال بس، في الأتوماتك لو عملت كده تكسر الفتيس
الأتوماتك لو دفع امامي يبقى تسحب فرامل يد ودوس بنزين، لو دفع خلفي يبقى هتحتاج عربية نشيطة شوية، لأن كل اللي تقدر تعملو انك أول ما الإشارة تفتح تجيب اخر دواسة البنزين وهيا بتعد تفرك شوية وتطلع من نفسها
في ناس بدوس فرامل و بنزين مع بعض، بيعملو الأمريكاني زي الفل، بس سلملي على تيل الفرامل على طول
بالنسبة للأرمادا بقى، هيا ما بتحبش المنظرة، بس لو في فرح واحد عزيز عليا ولا في مهرجان ولا حاجة مبتقصرش معايا
بس هيا فاهمة الموضوع كويس، فمابطولش في الحركات الشبابية دي يدوب بس لفت نظر كده لمدة 5 ثواني ولا حاجة عشان تثبت وجودها في المنطقة بس