[sad-bird]

المشاركة الأصلية كتبت بواسطة m.elhasafy أكتر شركة نزلت فى مصر عربيات منها موديلات تربو و عادية هى شركة فيات و لسة كان منها إيفو أو برافو موديل 2010 و كانت فارقة فوق ال 20 ألف فوق ثمن العربية العادية و بتبقى لرفع أداء العربية يعنى للمتعة و بعد كده شركة فولكس فاجن و دى بتنزل معظم موديلات كتيرة تربو بس بصراحة مش عارف إذا كانت كلها بتنزل مصر و لا لأ بص حضرتك المواتير التربو إتجاه عام فى أوروبا علشان توفير الوقود و هناك ماعندهمش مشكلة إن الموتور يفوت ... حضرتك بتروح التوكيل و يجيلك جديد بالكرتونة ... هما بيعملوا كده علشان يشجعوا الناس إنهم يحافظوا على البيئة يعنى فى موديلات فولكس و خصوصاً الألمانى منها بتنزل حاجة واحدة بس و هى التربو بمعنى إنهم لو عايزين موتور 120 حصان مثلاً فمايحطوش موتور 1600 أو 1800 و لكن بيحطوا 1300 تربو علشان يوفروا فرق البنزين المحروق يعنى ما تستغربش إن الباسات بكل حجمها ده و موتورها 1400 سى سى ... تربو حضرتك

المشاركة الأصلية كتبت بواسطة 3bd0 والله انا معنديش خبرة كبيرة عن اوروبا، بس اللي أتوقعو ان ادام العربية جيا من مصنعها بالتيربو، يبقى اكيد هما عاملين حسابهم كويس ومظبطين الماتور كلو على التيربو ده لأن مش معقولة ، حتى لو أنا اوروبي، أشتري عربية وانا عارف ان ماتورها هايفوت بعد 5 سنين، ده يبقى خراب بيوت مستعجل ليا صحابي سقت عربياتهم قبل التيربو وبعد التيربو، فرق رهيييييييييب، زي ما يكون الماتور بقى اتنين تخيل لما تكوت عربية عالية في ال سي سي بتاعها اساسا وتيجي انتا وتركب عليها تيربو، بتبقى عربية تانية خالص

انتو بتتكلمو عن التربو والا سوبر تشارجر