[hesham mansour]

المشاركة الأصلية كتبت بواسطة محمد عبد الفتاح الكومى لأ وإللى يغيظك ويجننك لما تبقى ماشى فى امان الله بالليل بعربيتك على طريق فرعى مثلا زى طنطا - قطور عندنا فى الغربيه وفجأه وفى عز الضلمه لأن الطريق مش متنور فى معظمه أوبمعنى أصح اللمبات إللى على الأعمده مجرد ديكور فقط فجأه يا محترمين تلاقى نفسك بعيد عنكم يعنى بتتشال وتنهبد على الأرض بعربيتك وبسرعتك لأن البلد دى قررت فجأه إنهم يعملوا مطب ادامهم وإيه مطب عموله على مزاجهم علشان يأدبوا العربيات على حد تعبيرهم طبعا ده من غير سابق إنذار ولا يافطه قبل المطب بفتره كافيه مثلا ولا حتى دهان جسم المطب بلون فسفورى ولا حتى عادى يبين للضحايا إللى جايين دول إنهم قد أوشكوا على عبور تل ولا تل العمارنه قد شيد فى التو واللحظه علما بأن هذا المكان بالإمس لم يكن به شىء والسيارات على الخط على الاقل كانت تعلم ذلك وأطلب منكم أن تطلقوا العنان لمخيلتكم فى تصور ما يمكن حدوثه ليلا على هذه الطرق وغيرها وكل ما تتخيلونه واردا ومسموح به.... ( ولا عزاء إلا للشيروكى ومثيلاتها ) ده فى حالة لو ربنا ستر

و هنا يكمن دور الزينون اللي يلقطلك الحاجات من علي بعد بس برضه متعديش التمانين
و بالنسبة للناس فده عادي جدا لانه من وجهة نظرهم أمان ليهم
ميعرفوش ان لو عربية فوجئت و حد منهم بيعدي الطريق مطمن للمطب هتدغدغه