رد: اسئله المبتدئين ..عفوا ممنوع الفتى :)))
المشاركة الأصلية كتبت بواسطة CARDIO
؟
يعنى ايه غيار عكس ؟
|
كان نفسي اكون معاكم من اول النقاش المثمر ده على الاقل الواحد يتعلم شويه
هههههههههههههه
لكن ملحوقة
بالنسبة لسؤال حضرتك يعني ايه غيار عكس == Engein Breack وهو سؤال حضرتك سألتي عليه قبل كده
ايه اللي بيحصل في الموضوع ده
ماتور العربية له عدد لفات معينه ماشي عليها
مجموعة نقل الحركة ( مجموعة الجير والكرورونا ) واخده نفس سرعة الماتور بعدد اللفات السريعة علشان يكون فيه نسبة وتناسب بينهم
لو الواحد واخد غيار على الرابع وواخد سرعته وعدد لفات عالي ومرة واحده راح نازل من عدد الفات ده لعدد لفات أقل أيه اللي هيحصل
الماتور واخد عدد لفاته
مجموعة الجير نقلت على ترس اقل بعدد لفات اقل
االعجل لسه واخد عدد اللفات العالي اللي كان ماشي عليه
وبالتالي اصبح فيه مشكلة في نقل الحركة بين المجموعتين على المدي القريب مش يتعمل حاجة لكن على المدي البعيد ومع تكرار الموضوع ده كتير بتجيب ديسك واسطوانة وممكن الجير كله يودع
الظروف اللي بيحصل فيها الموضوع ده
1. يكون الواحد سرحان وواخد غيار على الرابع ويروح ناقل على الثاني او الثالث ويدوس بنزين لانه في ظنه انه نقل على الخامس مثلا
2. الظرف الثاني لا قدر الله لو الواحد اكتشف وهو ماشي على سرعة عالية ان مفيش معاه فرامل يعمل ايه
لو فرضنا انه ماشي على 100 يروح ناقل الغيار على الثالث هتروح العربية مهدي مرة واحده مع رجرة جامد وتنزل السرعة من 100 ل 80 ويكرر نفس الموضوع على الثاني ثم الاول ثم يفصل الدبرياج ويشيل رجله من البنزين كده العربية هتكمل بالقصور الذاتي لما تخلص طاقة الحركة اللي فيها وتقف
فايدة الموضوع ده اني لو لا قدر الله حصل الكلام ده بدل ما اخبط في اللي قدمي على سرعة 100 تبقى 80 او 60 او 30 على حسب المرحلة اللي انا وصلتلها
لكن الكلام ده لا ينصح بيه في الاستعمال العادي نظرا لضرره الكبير على الماتور ومجموعة الحركة
هيجي السؤال اللي بعده طيب لو انا ماشي على سرعة عالية وعاوز انزل بسرعتي
يبقى هعمل ايه
1. امور الفتيس أو ادوس دبرياج
2. امسك فرامل بسيط لما اوصل للسرعة الاقل
3. اغد غيار مناسب للسرعة اللي انا عليها لو ماشي على 60 اخد الثالث لو ماشي على 40 اخد الثاني لو ماشي فوق مطب على حسب الحرجة اللي داخل عليها ممكن على الثاني وممكن مطب رخخخخخخخخخخخخم اخده على الاول
طيب انا ماشي وعاوز اهدي وبعد ما قررت اهدي وبدأت العربية تهدى فعلا قررت اني اشد تاني اعمل ايه
نفس الخطوات السابقة اشوف انا على اي سرعة واخد الغيار المناسب ليها
حلو الكلام النظري ده فين التطبيييييييييييييييييييي يق
هههههههههههههه
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|