أرجو الإفادة، مشاكل فى السيراتو
السلام عليكم
عربيتى كيا سيراتو 2010 خليجى وبعد حوالى 4000 كم بقيت اسمع صوت زى صفارة تيل الفرامل فى الجانب الشمال فى العجلات وخصوصا لما اتحرك بالعربية فى الصباح او لما تتركن مدة يوم او يومين ومع الحركة الصوت بيتلاشى، ذهبت لمركز الخدمة مرتين ، المرة الأولى قالولى ده بس يمكن ان التيل عاوز يتنظف وكشف عليه ولقاه كويس وبعدين ركب تانى والصوت ظهر تانى يوم،بالعكس الصوت بقى اكتر من الأول رحتلهم تانى وفى المرة التانية قالى المهندس اللى هناك انه بيرجح ان يكون فرامل اليد مش بترجع لوضعها الطبيعى بسرعة عشان كده بيظهر صوت الاحتكاك وانا طالع بالعربية وقالى ان دى مشكلة برضه فى العربية الجيتا وفك الطنابير وصنفر التيل وشحم بصراحة الصوت راح لكن راج تانى كنت راكن العربية لمدة يومين وانا طالع الصبح سمعت نفس الصوت ، انا عامل دلوقتى 9600 كم ورايح اعمل صيانة الـ 10000 ومش عارف اعمل ايه اروح مركز تانى بس هيفك ويحل وكل واحد هيقعد يفتكس فى العربية والله ما عارف اعمل ايه انا زهقت من العربية دى بجد عفشة ناشفة جدا الواحد بيحس انه راكب كنبه ومشاكل فى الكهرباء والكلكس بيعلق منى على طول ، يرجى الرد لو حد واجه نفس المشكلة دى
|