[الصيداح]

المشاركة الأصلية كتبت بواسطة aymangalal الف شكر على المعلمومات المفيدة وعندى استفسار بالنسبة للنقطة السابق ذكرها فى الاقتباس وهى المسافة بين الرفارف واجهزة التعليق...... كنت شارى العربية وفيها كاوتشات مقاسات مختلفة 165/70/13 و 145/80/13 لما جيت اغير الكاوتش الامامى لقيت ان المقاس الاستاندارد المكتوب على باب العربية 155/70/13 فإشتريت على هذا الاساس وحطيتهم قدام(فردتين) وخليت 165/70/13 استبن و 145/80/13 خلفى ودلوقتى بفكر ازود الثبات (لان فى ميل جامد فى الملفات---احساس ان العربيه هتتقلب على جنبها) على الرغم ان اقصى سرعة لاى ملف مابعديش 40كم ولما قريت موضوع الاوفست ده بصيت ع الجنط عندى (عادى) لقيته ET25 فهل هوه ده الرقم المقصود؟؟؟ وعلى حسب الذكر ان الجنط الاسبور من 30 الى 40 فهل هينفع الاسبور عندى (على الرغم انى شوفت عربية زى عربيتى مركبة جنوط سبور) ولما جيت ابص على المسافة بين الكاوتش والرفارف و اجهزة التعليق بالنسبة للفرده الخلفية 145/80/13 لقيت تقريبا مسافة 1سم يمين وشمال الكاوتش (الرفرف الخلفى عندى مستقيم مش مدور)ستروين AX ولما شوفت الاقتراحات اللى ممكن اعرض بيها الكاوتش عشن الثبات وبالحساب النظرى وصلت للنتيجة دى: طبعا انا نفسى اوصل لاقصى عرض ممكن لكن نقطة المسافات بين الرفارف والكاوتش دى مبرجلانى وخايف اشترى الحاجة وتطع متنفعش او تنفع بس تضر ومعلش انا كنت عامل موضوع عشان كده فى الرابط ده http://forum.masrmotors.com/showthread.php?t=49563 الخلاصة انى عايز ثبات بدون اضرار ان امكن والف شكر

انظر يا غالي
نقطة نقطة

1- أنت قلت أنك لما إشتريت السيارة كانت مقاسات الإطار مختلفة وهذا لا يصح لأنه
من الممكن أن يجعل السيارة أكثر ميلا لجهة معينة مما يجعلك أكثر إحساسا
بالخطورة عند الملفات
لذلك أنصحك بجعل جميع الإطارات لها نفس المقاس
ملحوظة : (المساعدين يلعب دورا في إحساسك بمدى الثبات في الملفات فتأكد من
سلامة المساعدين والسوست قبل كل شئ)

2- الأوفسيت عندك 25 نعم المقصود بـET هو الأوفسيت
أنت ستبحث عن جنوط رياضية الأوفسيت لها 25 تزيد أو تنقص قليلا بحد أقصى
10مم
أما عن ظنك أن جميع الجنوط الرياضية مقاساتها 30 أو 40 فهذا خطأ
لأننا نحن من ضربنا بها كمثال أثناء نقاشنا في الموضوع وليست قاعدة بمعنى أنك
ستجد بإذن الله ما يتوافق مع سيارتك

3- بالنسبة للمسافة التي ذكرتها ما بين الإطار والرفرف وأجهزة التعليق الخلفية
أنت ذكرت أنها 1 سم يمين وشمال الإطار
لكن لاحظ أن الإطار الخلفي هو مقاس غير أصلي وهو 145/80/13
لأن الأصلي كما ذكرت أنت هو 155/70/13
أولا إجعل جميع الإطارات نفس المقاس الأصلي ثم قس المسافة
(يمكنك نقل أحد الإطارات الأمامية الأصلية المقاس إلى الخلف وقياس المسافة بينها
وبين الرفرف وأجهزة التعليق)

4- أنت ذكرت لي المسافة بين الرفرف والإطار من الخلف لكنك لم تذكر المسافة بين
الإطار والرفرف الأمامي؟
1سم على الجانبين مسافة ضئيلة ستكون عقبة إلى حد ما في عملية تركيب الجنوط
لكن أعتقد أن المسافة أكبر من ذلك أرجو منك التأكد من قياسها مرة أخرى
لكن بعد تبديل الإطارات كما أخبرتك سابقا

بانتظار ردك وبإذن الله سنجد لك أفضل الحلول
بالتوفيق