رد: سمكرة ودوكو سؤال
مهران باشا
مبروك اللي هتعمله مقدما
بالنسبة للتكلفه على حسب اللي انت هتعمله فيها
هتشوف لسه اللي هيطلع فيها سمكرة ايه وبعد كده تعمل الدهان
لكن طالما هتعمل الشغل على نضيف يبقى البوية القديمة دي تتحرق كويسس وميبقاش فيها اي اثر قبل ما تعمل اي حاجة
بعد كده تشوف شغل الدهانات هتاخد معجون كويس وبطانه ووش
وطبعا لو هتعملها فرن وميتالك يبقى افضل
اما بقى لو لون العربية مش عاجبك ممكن تروح المرور وتغير اللون في الرخصة طالما هتدهن كله يبقى ممكن تغير كله
وبعد لما تخلص ابقى خليه يرش العربية كلها من تحت بلك علشان البرومة وانتو ياعم في أليكس الرطوبة مغرقاكم
هههههههههههه
الموضوع كله معرفش بالضبط يتكلف كام لكن أعمل حسابك في حدود 2500 تقريبا
مرة تانية مبروك مقدما
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|