رد: بيجو 205 عايز اركب لها تكييف
بص حضرتك انا مش قدر افيدك بصفة دقيقة ... لكن اقدر اقولك على متوسط اسعار جديد ومستعمل على حسب ايه اللى عندك وايه اللى ناقص اوك؟
طبعا بعد ماحضرتك تشوف الموضوع اللى الرابط السابق برضه تكون تكون فكرة
فى ابداية كنت هشترى 205 عشان هى تمام ومكيفة او مجهزة للتكييف وبعدين لقيت نفس الامكانيات واكتر فى ستروين ax المهم اشتريت على اساس انها مكيفة بس صاحبها شال الكمبروسر منها وكان قايل فى الاعلان انها مكيفة طبعا فاصلت معاه ونزلت تمن القصة دى وقالى ان اللى محتاجة عشان التكيف يشتغل حوالى 900 او 1000ج بالكتير واخدت بكلامة والحوار ده كان فى اخر الصيف اللى فات 8/2010
المهم بقى لما نويت اشغل (اركب التكييف) روحت لتبتاع قطع الغيار الى بتعامل معاه اسأله على الكمبروسر ده وايه الى ناقص وبكام
الكمبروسر فى حدود 450ج استيراد السربنتينة 400ج استيراد او اشتريها جديد بمبلغ مشابه
شوية خراطيم ووصلات قول 200ج يعنى حوالى 1050ج تقريبا قول شحن ومصنعية تركيب يقفلوا الـ 1500 بالوسع مع مراعاة وجود باقى اجزاء التكييف الا وهو التلاجة او الكولر اللى بيبقى تحت التابلوه(ده فى عربيتى)
وصيت واحد صاحبى يسأل لى على الموضوع ده عند واحد بيتعامل معاه فى مدينة الطلبة ومحترم جدا فا صدمنى بـ 3500 تقريبا او حاجه زى كده لان الراجل بتاع التكييف كان فاكر ان العربية فاضية والتكييف هيركل من اول بكل لوازمة قولت لا طبعا ده كتيييير قوى ولازم اروح له عشان يقدر ع الطبيعة
ودى اول خطوة عملية تاخدها تعرض العربية على فنى تكييف مضمون يقولك ايه اللى عندك وايه اللى ناقص ايه تجيبة استيراد وايه جديد ويقدر كل حاجه والقرار فى النهاية ليك
واحب اقولك ان 205 ممتازة وموتورها يشغل تكييف مرتاح ويخلى العربية فعلا تلجة(لكبر سعة الموتور+صغر حجم العربية) والخلاصة لو هتكمل ع اللى عندك ان شاء الله مش هتعدى 1500 لغاية مايشتغل لو هتجيب كله من الاول يبقى فى حدود 3000 او 4000 وخصوصا انك هتجيب كل حاجه جديدة
وربنا ييسرلك كل حال
|