المشاركة الأصلية كتبت بواسطة BASSEM BESO
ربنا يخليك ياكومى والله الواحد مش عارف ينطق بكلمه من الحب و المحبه اللى شافها النهارده منكوا والله وانا فعلا اللى افتقدكوا لأنكم كنت واحشنى جدا جدا جدا
والموضوع بأختصار ان بعد الكارته بتاعه القاهره علطول اديت العربيه لمحمد ابن عمى عشان يسوقها وبعديها ب23 ك بالظبط عند التحويله التانيه فى المطبات الصناعيه محمد كان ماشى بسرعه ومعرفش يهدى وبدل مايدوس فرامل داس بنزين ولولا ان انا شديت فرامل اليد بسرعه كان حصل مالايحمد عقباه والعربيه اللى خبط فيها الباشا بيجو 405 خليجى اوتو وعربيه نضيفه جدا بتاعه اسيس كنيسه و2 اولاده شباب زينا وهما ناس محترمه للأمانه لكن بعد الحادثه ادمرت البيجو تماما من ورا وخد عندك ياسيدى الأكصدام مينفعش تانى والرفرف الشمال اللى ورا راح فى داهيه والشنطه اتكبست .
اما الخساير اللى فعربيتى فى الأكصدام الأمامى هيتغير والسربنتينه اتعوجت والفانوسين عايزين يتغيروا والشبكه والعلامه بتاعه اسبرانزا .
وخلص الموضوع انهم رضيوا بالعافيه بالمبلغ اللى قولتلهم عليه بعد مانزلنا عند سمكرى تبعى وقالى العربيه ادمرت بتاعتهم وحاول ترضيهم بأى حاجه وهو ده اللى عملته
وخدت عربيتى عشان اوديها التوكيل للأسف مفيش امن هناك وملقتش حد عشان اجازه النهارده بس كذا واحد قالى اعملها بره احسن وفعلا هعملها بره واشوف الدنيا هتمشى ازاى والحمدلله على كل حاجه
|
الف الف الف حمدله على سلامتك انتا وابن عمك
وفداك ميت عربيه وان شاء لله ترجع احسن من الاول
ومره تانيه الف سلامه وقدر لله مشاء فعل
وفعلا اعملاها بره احسن ليك لان التوكيل الحاجه ام جنيه هيقول باعشره جنيه
وكمان الوقت بتاعهم طويل جدا يعنى العربيه هتتركن عندهم كتير
انا عملت عربيتى عندهم وقفت عندهم ثلاثه اشهر وثمانيه ايام
وطبعا مغلصتشى الا لما اشتكيت فى حمايه المستهلك
ايام ماكانت فعلا حمايه المستهلك ولاكن فى الوقت الحاضر اصبحت حمايه
رجال الاعمال والتوكيلات وليسا حمايه المستهلك
ومره تانيه الف سلامه عليك وعلى ابن عمك