رد: مقارنة عادلة بين طالب الطب وطالب التجارة..مع كامل احترامي لكل منهما
وكذلك مش كل الاطباء تعبانين
لكن احنا بنتكلم عن الوضع العادي اللي بيمشي فيه الطرفين
مع مراعاه ان طالب الطب بيتخرج علشان يبدأ حياته عنده 26 سنة
طالب تجارة بيتخرج علشان يبدأ حياته عنده 22 سنة
فرق 4 سنين تعب وتمقيق عيون ومصاريف وما ادراك ما هي مصاريف طب النهاردة خصوصا في سنوات العملي في المستشفيات والمرضي بقوا بيستغلوا الطلبة وميرضوش يقولوهم على الشكوى صح الا لو دفعولهم فلوس والموضوع ده بقى معروف في المستشفيات الدامعية قوي
نيجي بقى لو فرضنا ان ربنا كرم الاثنين واتعينو تعيين حكومي ( فرضية جدلية ليس الا )
مرتب الطبيب زي ما قولنها 280 جنيةتقريبا وخمسة جنية عن كل ليلة نبطشية له تقريبا 4 او 5 ليالي في الاسبوع
مرتب المحاسب كاااااااااام
لو متعين في هيئات تعبانه ( تربيةوتعليم - صحة - زراعة ) مرتبه تقريبا 300 جنية مع مراعاه ان فيه فرق 4 سنين بينهم
لو معين في المالية يبقى مرتبه تقريبا 800 برضة مع مراعاها فرق 4 سنين بينهم وبين بعض
لو متعين في الجمارك او الضرائب العامة او الضرائب على المبيعات بيعدي متوسط الدخل الشهري 2000 فما فوق طبعا الكلام ده باخد متوسط السنة كلها لان فيه عندهم مكافات على السنة المالية ومكافأه على الانتاج
طيب لو فيه حته كوسة هنا والا هناك زقته في مكان محترم يبق دخل في 4000 مرتاح
اما بقى لو واد برم ومخلص واخد كام كورس انجليزي على كام كورس محاسبة متقدمة وشبط في شركة دولية يبقى عدى 6000
__________________
إن العين لتدمع وإن القلب ليحزن وإنا على فراقك يا خالد لمحزونون ولا نقول إلا ما يرضي ربنا إنا لله و إنا إليه راجعون
|