المشاركة الأصلية كتبت بواسطة mrastra
السلام عليكم ورحمة الله
فعلا KAREM ALI مازن اللى فى الصورة وهو عندة 4 سنين ودة ابنى الاصغر بس اللى مسببلى مشكلة فى العربيات ...عندة عربية لعبة كدة وعامل فيها البدع عشان تبقى حقيقية لدرجة والله عملتلة كبوت بيفتح ويقفل وحاططلة جواة اسبراتير بتاع 128 وعندة مرايا جنب بتاعة لادا وكتير ادخل علية الاقية نايم تحتها بيصلحها وساعات يقلى ادينى زقة عشان البطارية نايمة وعاملة فتحة فيها جنب الدركسيون عشان يحط المفاتيح ويدور وجايبلة طارة سبور كنت خالعها من العربية وحاجات من دى كتير وبعدين اى حاجة مدورة قابلة انها تبقى تارة دركسيون بيعملها عربية واخرها كان غطا ازازة حاجة سقعة وطبعا جايبلة طقم عدة بلاستيك والجو اللى انت عارفة دة بس هو ما شاء الله علية بقى يعرف انواع عربيات كتير واحنا ماشيين يقولى دى نوعها كذا ودى نوعها كذا كل دة على عينى وعلى راسي انما تيجى تؤلة عاوز اما تكبر تطلع اية يقولى ميكانيكى دة بقى اللى مش طبيعى
معلش طولت عليك بس انت اللى جبتة لنفسك
|
هههههههههههههه
ربنا يخلهولك و ان شاء الله يكبر و يكون احسن مهندس ميكانيكا فى مصر