المشاركة الأصلية كتبت بواسطة ابوسهيلة
لاحظت ان الاستاذ محمد sad-bird مش موجود في المنتدي
من يوم 10فبراير يعني من خمسة ايام
محدش عنده اخبار او معاه تليفونه نطمن عليه
وخصوصا انه كان متابع جيد لاحداث الثورة
احسن يكون حصله حاجة لاقدر الله
ربنا يطمنا عليه ان شاء الله |
شاكر لسؤالك يا ابو سهيلة
فعلا انا يوم الخميس 10 -2 كان اخر دخول ليا المنتدي لاني يوم الجمعة كنت مخطط اني انزل جنازة الشاذلي وبعدين اطلع على التحرير
وانت تريد وانا اريد والله يفعل ما يريد
يوم الجمعة صباحا لم اتمكن من الذهاب للقاهرة لعدم وجود مواصلات وصليت الجمعة وحصلت مشكلة صغيرة عندي على اثرها الغط علي جدا عندي ( وهو اصلا عالي) وبعدها نمت من يوم الجمعة 11- 2 الساعه 2 ظهرا وحتى يوم الاحد الساعه 10 صباحا ( حتى معرفتش ان مبارك سابنا ومشي غير يوم الاحد الظهر تقريبا)
ولاني مش قادر اقعد على الكمبيوتر خالص حاولت ادخل من التليفون لقيت ان كل تحميل للصفحة بياخد تقريبا نص كيلو بايت خلصت ال5 ميجا بتوع موبينيل في خمس دقائق
مرة تانية الف شكر على سؤالك
