[Ahmed Anwer]

شخصيا ،،، مقتنع إن حسني مبارك انتهي ،،، و لن يعود إن شاء الله

حسني مبارك فرد ،، إنسان في النهاية و ليس معجزة زمانه و لا شبح بيطلع للناس في الكوابيس

و ممكن تقري مقالة ابراهيم عيسي بالمعني ده

http://dostor.org/editorial/11/february/20/36599

أما بخصوص موضوع الالتفاف علي الثورة رغم إنه خطر كبير و ممكن يكون حقيقي

فانا مش عارف أكون صورة أو رؤية

عندنا خطوات إيجابية

إجبار الجيش لمبارك علي التنحي

لجنة تعديل دستور مشهود لها بالنزاهة و تبدو محققة لآمال الشعب

التحقيق و اتخاذ إجراءات قانونية مع بعض المسئولين السابقين

الأشياء السلبية من وجهة نظر كل المصريين

وجود مبارك و عائلته بأمان حتي الآن في شرم الشيخ

عدم وجود أي بادرة للتحقيق مع مبارك أو عائلته أو علي الأقل الإستجابة للطلبات الخارجية بتجميد أمواله

الحكومة الحالية ،، حكومة مبارك اختارها بنفسه و رئيسها من تلاميذه

عدم إلغاء قانون الطوارئ سئ السمعة و عدم الإفراج عن كافة المعتقلين السياسيين ، إلغاء جهاز أمن الدولة

أداء إعلامي غريب و تغطية متميزة للمظاهرة العبيطة بتاعت آسفين يا ريس ،، علي كام خبر مش بيانلهم أي مصدر عن صحته التعبانة و الغيبوية

الصراحة ،،، أنا مذبذب

من ناحية أقول لنفسي في الآخر دول عسكريين و مالهموشي في شئون إدارة الدولة المدنية و كتر خيرهم أوي لو سلمونا انتخابات حرة نزيهة و بعدين نتكلم

و كمان أكيد مبارك خرج بصفقة مع قادة الجيش و أيه المشكلة صفقة لحقن دماء المصريين و بعد تسليم الحكم لحكومة مدنية منتخبة ،،، هتحاسبه هتحاسبه و نحاسب كل الفاسدين في عهده كمان و الصفقة هتكون اتنست

خاصة إن مش فاضل لنا بعد ربنا سوي الجيش كمؤسسة مترابطة

و هما مش هيقدروا يعملوا كل حاجة في يوم و ليلة

و اقول لنفسي مش لازم نضغط أكتر من كفاية الصبر و اليقظة

و دي حكومة تسيير أعمال و معظم المحترمين مش عايزين ينضموا ليها عشان ميتحرقوش و القادة العسكريين معندهمشي معلومات أو خبرات لإختيار حكومة بديلة

لكن اخبار النهاردة عن إن شفيق مش عارف عامل خطة يبني كام الف وحدة سكنية و عايز يؤسس هيئة مستقلة عشان مشروع ممر التعمير ،،،

أخبار غريبة دي مش قرارات حكومة تسيير أعمال ،،، دي قرارات واحد ناوي يطوول

مش عارف الصراحة ،،،