المشاركة الأصلية كتبت بواسطة Injection
مبدأيا ياباشا وقبل أى حاجة لازم تكون متأكد أن الغالى تمنه فيه, وأن الرخيص مش هيريحك وجودته هتبقى قليلة وهيتعبك بعد كده.
لكن عموما لازم تعمل حسابك فى حوالى 1000 جنيه, ويمكن 1500 كمان.
لأن البازوكا لو jbl يبقى لوحدها حوالى 650 جنيه فقط.
ولو هتجيب صب وصندوق يبقى بأى حال من الأحوال مش هتقل عن 400 جنيه لصب وصندوق محترم.
والأمبليفاير للصب أو البازوكا برضه مش هيقل عن 400 جنيه وطبعا فيه لحد 700 جنيه.
وسماعات الأبواب ودى حسب الوات لكن من 200 جنيه لحد 300 ده الرينج للماركات النضيفة.
وطبعا فيه الأرخص لكن برخص السعر حضرتك بتضحى بحاجات كتير من ضمنها الجودة وراحة البال, وهتتعب جدا بعد كده.
ولو على السعر ممكن أنزل أجيب لحضرتك طقم سماعات 16 صينى ب 35 جنيه مكتوب عليه 500 وات, لكن شهر واحد وهتلاقيه بيخروش, غير أن صوته فى الضياع بالنسبة للسونى والكينوود والبايونيير ومتقدرش تعلى صوت الكاسيت عن النص علشان الخروشة.
|
الف شكر ليك يبااشا انت كدة فعلا بتتكلم صح انا هعمل حسابس علي 1500
علشان اعمل طقم صوت وانساااه ومش افكر فية تاني علشان انا موسوس ومش عايز اوجع دماغي
شكرا ليك بجد