المقالة ( 17)
الرائد / محمد عبد الرحيم
(رئيس مباحث كفر صقر)
هذا الرجل لم اقابله طيلة حياتى ولا اعرفه شخصيا
طبعا هتستغربو جدا
اومال هكتب عنه ليه ؟؟؟؟
لانى بكل بساطة سمعت منذ قليل خبرا ستقرأونه غدا فى الجرائد بأن هذا الرجل المحترم
رفض رشوة 82 مليون جنيه فى مقابل انه يغمض عينيه عن مسلة أثرية تم اكتشافها هناك فى كفر صقر / شرقية
ياجااااه النبى
82 مليون جنيه !!!!!!!!
والله انى أرفع القبعة احتراما لهذا الرجل
هناك من يقبل ان يغمض عينيه ب 2 مليون بس وبمليون واحد كمان
لكن الراجل المحترم /الرائد / محمد عبد الرحيم (رئيس مباحث كفر صقر / شرقية )
رفضها كلها وقبض على الجميع
وانا من مكانى هذا تنازلت له عن منصبى كنائب لرئيس مجلس ادارة نقابة الفـقريـيـن
وسبحان الله كنت قد انهيت مقالتى السابقة بنصيحة للشباب بأللا يفقدو الأمل فى الله ويثقو فى الله وان بكرة احسن من النهاردة
وبعدها بدقائق سمعت هذا الخبر
احسست ان جسمى كله يقشعر
مصر لسه بخير
مصر لسه فيها محترمين .....وهما اكيد كتــير
واقول للرائد محمد عبد الرحيم (رئيس مباحث كفر صقر ) مليون باقة ورد معطرة بكل انواع الحب لك ولاخوانك من الشرفاء
صحيح ان هذه الباقات المليون رمزية ومعنوية وقيمتها ماديا لن تساوى 82 مليون جنيه
لكنك فى قلوبنا اصبحت هرما رابعا كبير اعاد لنا الامل فى مصر بعد ان زكمت انوفنا روائح الفساد الخانقة